Рангник: "Роналдунинг тўпсиз ҳаракатлари мени ҳайратда қолдирди"

"Жамоанинг ўйинидан жуда мамнунман, айниқса дастлабки ярим соатда ажойиб ўйин намойиш этдик. Бизга иккинчи гол етишмади.

Ўйинни назорат қилдик, яхши ҳимояландик ва энг муҳими дарвозамиз дахлсизлигини сақлаб қолдик. Биз айнан тўп ўтказмаслик устида ишлашимиз керак.

Биз бор-йўғи битта машғулот ўтказдик, лекин мен ҳайратда қолдим: жамоа кутганимдан ҳам яхшироқ ўйин намойиш этди. Биз ташаббусни ўзимизда сақлашга ҳаракат қилдик ва сўнгги беш дақиқани ҳисобга олмаганда, рақибимизни дарвозамиздан узоқлаштиришга ҳаракат қилдик.

Марказда икки ҳужумчи билан ўйнашни хоҳлардик. Айтганча, Роналдунинг тўпсиз ҳаракатлари мени ҳайратда қолдирди!

Фреднинг голига келсак, ёрдамчимдан у ҳақиқатан ҳам ўнг оёғи билан зарба бердими ёки йўқлигини сўрадим. Мен у фақат чап оёғи билан тепиши мумкин деб ўйлардим. Ундан миннатдорман", — деди немис мураббийи.