Ракитич: "Бу сўнгги икки йилликдаги энг яхши "Реал"

- "Барселона" билан 5 марта "Бернабеу"да ғалабага эришгансиз.

- Бундай ўйинлар унутилмайди. "Бернабеу" - ажойиб стадион, таъмирдан кейин янада чиройли кўринади. Шундай стадионни футболчиларга топшираётгани учун клуб президентини табриклаш керак.

"Барселона" билан кўп бора ғалабага эришганим жуда яхши. Умид қиламанки, "Севилья" билан ҳам шундай иш қила оламан. Мухлисларимиз биздан кўп нарса кутишмоқда.

- "Бернабеу"да ўзингизни яхши ҳис қиласизми?

- Ғалабага эришгандан кейин. Баъзида қўрқиб ҳам тураман. Бўлиб туради. Чунки бу ерда ўйин осон ўтмайди. Ҳозир бизда куч катта.

- "Реал"ни қандай баҳолайсиз?

- Сўнгги икки йилликдаги энг яхши "Реал", энг кучлиси. Уларда тажриба катта, ёш футболчилари эса жуда зўр ўйин кўрсатмоқда. Уларни мағлуб этиш учун идеал ўйин кўрсатиш керак. Улар хато қилишмайди.