Радомир Антич ҳаётдан кўз юмди
07 апр 2020 00:45
Янгиликлар
Радомир Антич ҳаётдан кўз юмди
“Реал”, “Атлетико” ва “Барселона”нинг собиқ мураббийи Радомир Антич 71 ёшида ҳаётдан кўз юмди.
Бу ҳақда “Атлетико” клуби расмий сайти хабар бермоқда. Сербиялик мутахассиснинг ўлими сабаби хабар қилинмаган.
“Атлетико” оиласи афсонавий мураббий Радомир Античнинг вафоти муносабати билан унинг яқинлари ва оиласига ҳамдард эканлигини билдиради. Унинг хотираси бир умр қалбимизда қолади”, дейилмоқда “Атлетико” матбуот хизмати тарқатган баёнотда.
Антич футбол тарихида турли йилларда “Реал”, “Атлетико” ва “Барселона”ни бошқарган ягона мураббий ҳисобланади. Сербиялик мутахассис қўли остида 1995/96 йилги мавсумда “Атлетико” мамлакат чемпионлигига эришган. 1996 йилда эса жамоа мамлакат кубогида ғолиб чиққан.
Футболчилик фаолияти давомида Антич “Партизан”, “Фенербахче” ва “Сарагоса” жамоалари шарафини ҳимоя қилган.
Ўхшаш янгиликлар
championat.asia
Суперлига. "Нефтчи" захирадан тушганларнинг самарали ҳаракатлари эвазига "Локомотив"дан устун келди
ЛаЛига. Араухонинг голи "Барселона"га уч очко келтирди
Суперлига. Икки гол бекор қилинган ва уч пенальти белгиланган ўйинда "Пахтакор" "Сўғдиёна"ни мағлуб этди
Англия Лига кубоги. "Манчестер Сити" "Арсенал"ни мағлуб этди, Ҳусанов Англиядаги илк совринини ютди!
Фикрлар