"Қўқон-1912": Мухлислар клуби йиғилиши бўлиб ўтади

Бу йил Қўқонда ҳақиқий футбол байрами бўлиб ўтади, десак муболаға бўлмайди. Боиси, Нўъмон Ҳасанов бошчилигидаги мураббийлар штаби олиб борган селекция ишлари натижасида таркибимизга бир қатор тажрибали футболчилар келиб қўшилишди. Бу эса янги мавсум олдидан мухлисларимизга ўзига хос ишонч ўйғотгани рост.

Шунга монанд тарзда Илҳомжон Қундузов етакчилик қилаётган “Қўқон-1912” жамоаси мухлислар клуби аъзолари ҳам янги мавсумни юқори кайфиятда кутиб олиш ишларни бошлаб юборишди.

26 февраль якшанба куни соат 11:00 да Қўқондаги “Марказий” ўйингоҳида “Қўқон-1912” жамоаси мухлислар клуби аъзоларининг махсус йиғилиши ўтказилади.

Жамоамизнинг ашаддий ишқибозларини ушбу йиғилишга таклиф этиб қоламиз.

Мухлислар клубига аъзо бўлишни истаган мухлислар ўзлари билан паспорт ёки туғилганлик тўғрисидаги гувоҳноманинг нусхаси ва 3х4 ҳажмдаги икки дона фотосурат олиб келишлари мумкин.