“Қўқон-1912” дарвозабони жамоасини ўзгартиради

Футболчиларнинг у жамоадан бу жамоага ўтиши роса авж олди. Унда қайсидир жамоанинг бозори чаққон бўлса, яна айримлари ички имкониятдан келиб чиқиб, иш тутишга мажбур бўлмоқда. 

“Қўқон-1912”ни етакчи ўйинчилари жамоа билан хайрлашишга қарор қилмоқда. Хусусан бир неча йиллардан буён жамоа дарвозасини ишончли тарзда қўриқлаб келаётган Музаффар Абдуллаев яқин орада жамоасини ўзгартириши мумкин. Олинган маълумотларга кўра, тажрибали посбонни ўз таркибида кўришни истаётган жамоалар бор. Футболчининг ўзи билан боғланганимизда, шу кунларда раҳбарият билан учрашиб, “Қўқон-1912”даги тақдири бўйича батафсил гаплашиб олишини билдирди. Вазият ижобий томонга ўзгармаса, 30 ёшли голкипер қадрдон жамоаси билан хайрлашишини яширмади.