"Қизилқум" ўз тарихида илк бор дастлабки 5 турда мағлубиятга учрамади

Шундай қилиб жамоанинг мағлубиятсиз серияси давом этмоқда. "Қизилқум" биринчи турда ўз уйида "Машъал"ни 3:2 ҳисобида таслим қилганди. Сўнгра Ғузорда "Шўртан" мағлуб этилди - 1:0. Учинчи турда "Олмалиқ"дан устун келган (2:1) "кончилар" тўртинчи турда Тошкентда "Обод" билан дуранг ўйнаганди - 2:2.

2000 йилдан буён олий лигада иштирок этиб келаётган "Қизилқум" клуби ўз тарихида илк бор дастлабки 5та ўйинда мағлуб бўлмади. Бундан олдинги 15та мавсумда жамоа дастлабки 5та ўйинда ҳеч бўлмаса бир марта ютқазган эди.

"Қизилқум"нинг энг яхши стартлари 2001 ва 2007 йилларга тўғри келади. Бу йилларда клуб дастлабки 5та турда 4та ғалаба ва 1та мағлубият қайд этган. Энг ёмон старт эса 2013 йилда қайд этилган - 5та ўйин 5та мағлубият!

Эслатиб ўтамиз, "Қизилқум" 6-турни 24 апрель куни "Қўқон-1912"га қарши сафарда ўтказади.


"Қизилқум" клубининг дастлабки 5 турда қайд этган барча натижалари:

2000 - 2 ғалаба, 3 мағлубият
2001 - 3 ғалаба, 2 мағлубият
2002 - 4 ғалаба, 1 мағлубият
2003 - 1 ғалаба, 1 дуранг, 3 мағлубият
2004 - 2 ғалаба, 1 дуранг, 2 мағлубият
2005 - 1 ғалаба, 1 дуранг, 3 мағлубият
2006 - 1 ғалаба, 2 дуранг, 2 мағлубият
2007 - 4 ғалаба, 1 мағлубият
2008 - 1 ғалаба, 2 дуранг, 2 мағлубият
2009 - 1 ғалаба, 1 дуранг, 3 мағлубият
2010 - 1 ғалаба, 1 дуранг, 3 мағлубият
2011 - 1 ғалаба, 2 дуранг, 2 мағлубият
2012 - 1 ғалаба, 3 дуранг, 1 мағлубият
2013 - 5 мағлубият
2014 - 1 ғалаба, 2 дуранг, 2 мағлубият
2015 - 1 ғалаба, 1 дуранг, 3 мағлубият
2016 - 3 ғалаба, 2 дуранг