Америкалик ўйинчи ўша вақтда жамоани бошқараётган Жозе Моуриньо туфайли "қизил иблислар" таклифини рад этган.
Бунга сабаб португалиялик мутахассис ёш ўйинчиларга кам ўйин амалиёти бериши билан боғлиқ. Шунингдек, Пулишичнинг отаси ҳам португалиялик мураббий борасида салбий фикрда бўлган.
20 ёшли АҚШ терма жамоаси ўйинчиси "Челси"га шу ёзда Дортмунднинг "Боруссия" клубидан ўтган эди.
Пулишич собиқ клуби сафида ўтган мавсум 30та ўйинда майдонга тушиб, 7та гол уришга эришган.
