ПСЖ Лоран Бланни ишдан кетганини маълум қилди
27 июн 2016 16:39
Янгиликлар

ПСЖ Лоран Бланни ишдан кетганини маълум қилди

ПСЖ клуби Лоран Блан бош мураббий лавозимини тарк этганини эълон қилди.

Томонлар шартномани бекор қилиш борасида келишувга эришишди. Француз клубини Жан-Луи Гассе ва Филипп Ламбер мураббийлари тарк этишди.

Блан ПСЖда 3 мавсум давомида ишлади. Бу давр ичида клуб 11 та соврин ютди: 3 карра Франция чемпиони, 2 карра Франция кубоги соҳиби, 3 карра лига кубоги ва 3 карра Франция Суперкубоги соҳиби.

«Мен Лоран Бланга миннатдорчилик билдирмоқчиман. У охирги йилларда жамоамизни кучайтирди. Янги давр бошлаяпмиз, Бланга катта раҳмат айтаман», – дейди ПСЖ президенти Носир Ал-Хелайфи.

Яқин кунлар ичида Париж клубига Унаи Эмери бош мураббий бўлиши кутилмоқда.

Ҳавола :

Манба : psg.fr

Янгиликларни Телеграмда ўқинг!

Рейтинг: +6