“Парк де Пренс”да кечган беллашувнинг 19-дақиқасидаёқ меҳмонлар посбони Йонас Омлин Мбаппега нисбатан қўполлик ишлатди ва қизил карточка олиб майдонни тарк этди.
Беллашувнинг 34-дақиқасида Мбаппе жамоасини ҳисобда олдинга олиб чиқди. 60-дақиқада парижликлар сафида 100-учрашувни ўтказаётган Неймар орадаги фарқни оширди. Орадан бир дақиқа ўтиб Икарди ҳисобни йириклаштирди. 63-дақиқада рақиб дарвозасиги иккинчи голини урган Мбаппе ўйинда якуний ҳисобни ўрнатди -4:0.
Шу тариқа ПСЖ мамлакат чемпионати 21-туридан кейин турнир жадвалида 45 очко билан биринчи поғонада бормоқда. “Монпелье” эса (28 очко) 11-поғонани банд этган.
