Маълумотларга кўра, франциялик футболчи хизматларига "Манчестер Юнайтед" қизиқиш билдирмоқда. ПСЖ раҳбарияти Мбаппе билан хайрлашишига тайёр, чунки улар шу йўл билан Неймарни жамоада сақлаб қола олишади. Парижликлар 270 млн. евролик таклиф бўлсагина, уни кўриб чиқишга тайёр. "Манчестер Юнайтед" футболчининг нархини пасайтирмоқчи ва ушбу келишувга ҳужумчи Антони Марсьялни қўшмоқчи.
Мбаппе 2017 йилнинг ёзида ижара асосида "Монако"дан ПСЖга ўтган эди. Парижликлар ушбу ёзда ҳужумчи учун 145 млн. евро тўлаб, унинг трансфер ҳуқуқини сотиб олиши керак.
Сўнгги мавсум 19 ёшли ҳужумчи Франция чемпионатининг 28та учрашувида майдонга тушиб, 13та гол уриб, 8та голли пас берди.
