UZ

Сўнгги янгиликлар

01:15Расман: Азизбек Амонов "Бухоро" футболчисига айланди  0 01:04Равшан Ҳайдаров: "Йигитларда иштиёқ катта эди. Мухлислар қўллови билан ғалабага эришдик"  0 00:57Нодирбек Абдураззоқов: "Японияга қарши ўйинда ғалаба учун майдонга тушамиз. Голимни Ислом Тўхтахўжаевга бағишлайман"  1 00:45"Ювентус" Консейсауни "Порту"дан тўлиқ сотиб олди  0 00:17Рэшфорд "Барса" билан шартнома имзолади (Фабрицио Романо)  1 23:55"Андижон" назорат ўйинида камбэк эвазига ғалаба қозонди  1 23:24Ўзбекистон U-17 терма жамоаси ЦСКАга қарши баҳс олиб боради  1 22:59"Ливерпуль" тўхтамоқчи эмас. Клуб Франция чемпионатидан вингер сотиб олмоқчи  0 22:35U-23. Ўзбекистон – Саудия Арабистони 3:1  3 22:25Мираброр Усмонов Кубоги-2025. Ўзбекистон U-23 терма жамоаси Саудия Арабистонига ҳеч қандай имконият қолдирмади  24 21:41Мюллер фаолиятини МЛСда давом эттиради  3 20:59Родриго "Реал"да қолмоқчи. Футболчи Алонсонинг фикрини ўзгартириш ниятида  5 20:21"Кристал Пэлас" Европа Лигасида четлаштирилиши бўйича спорт арбитраж судига апелляция берди  0 19:51Хави Симонс "Челси"га ўтишга рози  1 19:27Де Хеа: "Манчестер Юнайтед"да ўтказган йилларим учун Англиядан тушган таклифларни рад этдим"  2

"Про-лигада "Локомотив"га қарши бошқалар икки карра кучлироқ тайёргарлик кўради, чунки..." — Денис Коростиченко мавсумга тайёргарлик, жамоага янги келганлар ва Жасур Жалолиддинов ҳақида Янгиликлар

"Про-лигада "Локомотив"га қарши бошқалар икки карра кучлироқ тайёргарлик кўради, чунки..." — Денис Коростиченко мавсумга тайёргарлик, жамоага янги келганлар ва Жасур Жалолиддинов ҳақида

Тошкентнинг "Локомотив" клуби бош мураббийи Денис Коростиченко "Championat.Asia" сайтига берган интервью берди.

Унда мураббий мавсумга тайёргарлик жараёни, Суперлигага йўл олиш учун курашадиган рақиблар, Жасур Жалолиддиновнинг “Олимпик”га йўл олиши ҳамда жамоага янги келган футболчилар ҳақида фикр билдирди.


- Янги мавсумга тайёргарлик жараёни ҳақида...

- Янги мавсумга тайёргарлигимиз режа асосида кетмоқда. Жамоадаги кайфияти яхши, шароитлар аъло даражада. Майдонда шуғулланамиз, спорт залида жисмоний тарафдан ишлаймиз. Ҳаммаси режа бўйича кетмоқда. Олдимизда назорат учрашувлари бисёр, деярли ҳар куни ўйин ўтказамиз. Рақибларимиз ҳар хил, яъни мамлакатлар, ўйин схемалари, услублари турлича, бундан хурсандман. Биз аллақачон бешта ўйин ўтказишга улгурдик, яна учта учрашув режалаштирилган. Бу биз учун фойдали, чунки биз ўз ўйинимизни йўлга қўйиб олдик, ҳозир турли чизиқларда қайси ўйинчилар энг яхши жуфтлик бўла олишини аниқлаяпмиз.

- Таркибда ёшлар пайдо бўлиши мумкинми?

- Кимгадир ўтган мавсум имкон берилган, кимдир эндигина базага ташриф буюряпти. Йиғинда улар билан яқинроқ танишишимиз ҳамда уларни амалда синаб кўришимиз мумкин. Умуман олганда, барчаси яхши.

- Янги легионерлар ҳақида нима дея оласиз?

- Қишда қайси футболчи билан шартнома имзолаган бўлсак, барчаси жонбозлик кўрсатди. Рустам Соиров иккита гол уришга эришди, Шиме Жужуль ҳам гол уришга муваффақ бўлди ва ўзини яхши томонлама кўрсатди. Умид қиламанки, янги мавсумда у ҳужумда асосий кучга айланади. Иван Соловьёв яхши формада, Боян Найдёнов эса дастлабки ўйиндан сўнг енгил жароҳат олган. Катта эҳтимол билан у йиғин доирасида майдонга тушади. Лекин унинг илк ўйин ва машғулотлардаги ҳаракатларини кўргач, шуни айтишим мумкинки, ушбу футболчи биз учун яхши харид бўлди, у ҳимоя зонамизни кучайтиради.

- Жасур Жалолиддиновнинг "Локомотив"дан "Олимпик"га ўтиши қай тарзда содир бўлди?

- Биз Жасур клубни тарк этишини англаб етгандик. У Ўзбекистон олимпия терма жамоасининг муҳим футболчиси, жамоа сардори, шу боис унга мунтазам ўйин амалиёти зарур. Жалолиддиновнинг Олимпиадага 100 фоиз тайёр бўлиши муҳим. Кутилганидек, у Тимур Кападзе қўл остидаги “Олимпик”га йўл олди. Албатта, биз Жасурнинг клубда қолишини истардик. Бундай футболчилар ҳар доим ва ҳар қандай жамоага керак. Лекин келаси мавсумни Про-лигада ўтказамиз, Жасур эса Суперлигада ўйнаши керак.

- Суперлигага чиқиш учун курашда “Локомотив”нинг асосий рақиби қайси жамоа бўлади?

- Про-лигада бизга осон бўлмайди, ушбу лигада барча жамоа курашувчан. Қолаверса, “Локомотив” мазкур лигада Тошкентнинг ягона клуби саналади. Эҳтимол, бизга қарши ҳар бир жамоа икки карра кучлироқ тайёргарлик кўриши мумкин, лекин биз бунга тайёр бўлишимиз керак. Ўйлашимча, Суперлигага йўл олиш учун "Динамо" билан кураш олиб борамиз. “Машъал” ва “Қўқон-1912” каби жамоаларни ҳам эсдан чиқармаслик лозим.




Николай Егоричев суҳбатлашди

Оқил Абдубарноев таржимаси

Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика