UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  9 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

ПРО-Лига, “А” гуруҳи. 3-турнинг тезкор голи ва бошқалар ҳақида Янгиликлар

ПРО-Лига, “А” гуруҳи. 3-турнинг тезкор голи ва бошқалар ҳақида

Теглар :  ПРО-лигаМашъал
ПРО-Лиганинг якунига етган 3-тур ўйинларига кўра, қизиқарли маълумотларни эътиборингизга ҳавола этишда давом этамиз.

Навбат, голларга етиб келди. Футболда голлар ўзига яраша жозиба бағишлайди. Стадионга келган ҳар қандай ишқибоз севимли жамоасидан голлар кутади. Аммо гол уриш ҳар доим ҳам осонликча амалга оширилмаслиги ҳам турган гап.

ПРО-Лиганинг “А” гуруҳидаги 4та ўйинда жами 11та гол қайд этилди. Шундан 4тасини мезбонлар киритган бўлса, қолган 7та тўп меҳмон жамоалар ҳисобига ёзилди. Бундан кўриниб турибдики, меҳмонларда сермаҳсуллик нисбатан юқори бўлди.

Учрашувларнинг биринчи бўлимида 4та гол қайд этилди. Иккинчи бўлимда сермаҳсуллик ортди ва мухлислар яна 7та голга гувоҳ бўлди.

Турнинг энг тезкор голи 4-дақиқада қайд этилди. “Андижон” ҳужумчиси Шаҳбоз Жумабоев “Хоразм” дарвозасига тезкор тўп киритиб, жамоасининг ғалабасига салмоқли ҳисса қўшди.
Аксинча ушбу турда энг сўнгги гол дея 90+3-дақиқада “Орол” дарвозасига киритилган тўп қайд этилди. “Сурхон” ҳужумчиси Низом Норов ушбу голга муаллифлик қилди.
3-турда энг кўп гол урган жамоа “Сурхон” бўлди. Термизликлар сафарда “Орол” дарвозасига 4та тўп киритди. Нукусликлар эса аксинча ўз дарвозасидан энг кўп гол ўтказиб юборган жамоа бўлди.

Ушбу турда ўз дарвозаси даҳлсизлигини сақлаб қолган жамоалар – “Истиқлол” ва “Машъал” бўлди. Эътиборлиси ушбу жамоалар сафарда ўйнаган бўлишларига қарамай, ўз дарвозасидан тўп ўтказиб юбормади.

3-тур ўйинларини бошқариб борган ҳакамларнинг учтаси пенальти белгилашга қарор қилди. Ундан иккитаси аниқ амалга оширилган. Хусусан “Орол” ҳужумчиси Наврўзбек Ҳаипов “Сурхон” дарвозаси томон белгиланган 11 метрлик нуқтадан адашмади. Шунингдек “Истиқлол” сардори Абдухолиқ Қурбонов сафарда “Норин” дарвозасини пенальтидан ишғол этиб, жамоасига уч очко келтирди. Самарқандда кечган “Динамо” – “Машъал” ўйинида бош ҳакам Аскер Нажафалиев учрашувнинг 28-дақиқасида мезбонлар дарвозаси томон пенальти белгилади. Ундан “газчилар” етакчиси Сардор Раҳмонов аниқ фойдалана олмаган. Аммо шунга қарамай, марказий ҳимоячи кейинроқ “Динамо” дарвозасини аниқ нишонга олди. Эътиборлиси унинг голи “Машъал”га сафарда ғалаба келтирди.

3-турда битта автогол кузатилди. “Орол” ҳимоячиси Ислом Сейтназаров “Сурхон”га қарши баҳснинг биринчи бўлимида кутилмаганда ўз дарвозасига тўп киритиб юборди. Бу эса меҳмонларнинг танаффусга ғалаба билан чиқиб кетишига замин яратди.

Ушбу турда дублга эришган футболчилар 2тани ташкил қилди. “Андижон” ҳужумчиси Шаҳбоз Жумабоев “Хоразм” билан ўйиннинг биринчи таймида икки бор ишғол этишга эришди. “Сурхон” футболчиси Низом Норов ҳам сафарда “Орол” дарвозасига 2та гол уриб, жамоасининг йирик ҳисобдаги ғалабасини таъминлади.  

3-турда гол урган футболчилар
1. Наврўз Ҳаипов (пен) – “Орол”.
2. Ислом Сейтназаров (автогол) – “Орол”.
3. Фарҳод Тожиев – “Сурхон”.
4. Низом Норов (2та) – “Сурхон”.
5. Абдухолиқ Қурбонов (пен) – “Истиқлол”.
6. Шаҳбоз Жумабоев (2та) – “Андижон”.
7. Суннатилла Мамадалиев – “Андижон”.
8. Қадамбой Нурметов – “Хоразм”.
9. Сардор Раҳмонов – “Машъал”.



Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика