Превью. "Сўғдиёна" - "Пахтакор".

«СЎҒДИЁНА» – «ПАХТАКОР»
23 май. 17:00.

Ҳакамлар: А. Асимов (Тошкент), Р. Шояхметов (Тошкент), Р. Серазетдинов (Тошкент), Каримов (Тошкент)

Назоратчи: Роман (Тошкент).

“Сўғдиёна” ҳамда “Пахтакор” клублари олий лигада шу кунгача 38 бор куч синашишган. “Пахтакор” 30та ўйинда ғалаба қозонган. 4та учрашувда “Сўғдиёна”нинг қўли баланд келган. 4та ўйинда дуранг қайд этилган. Тўплар нисбатида устунлик “Шерлар” томонида: 101:34. “Пахтакор” ўзаро ўйинларда 94 очкога эга бўлган, “Сўғдиёна” эса 16 очкони қўлга киритган. “Пахтакор”нинг “Сўғдиёна” устидан қозонган энг йирик ғалабаси 6:1га тенг бўлса, “Сўғдиёна”нинг тошкентликлар устидан эришган энг йирик ғалабаси – 4:1.

Ўтган мавсумда Зоминда кечган баҳсда Боян Миладинович томонидан урилган гол “Пахтакор”га ғалаба келтирганди – 0:1. Тошкентда эса Игорь Сергеевнинг дубли “шерлар”нинг ғалабасини таъминлаганди – 2:0.

“Сўғдиёна” майдонида бўлиб ўтган сўнгги беш учрашув:
14.06.2014 «Сўғдиёна» - «Пахтакор» 0:1
05.05.2013 «Сўғдиёна» - «Пахтакор» 0:0
10.04.2011 «Сўғдиёна» - «Пахтакор» 1:2
25.04.2009 «Сўғдиёна» - «Пахтакор» 0:2
05.07.2008 «Сўғдиёна» - «Пахтакор» 1:2

Ўзаро ўйинлар ҳақида факт: “Сўғдиёна” ўз майдонида ўтказган 19та ўйиннинг учтасида ғолиб чиққан. 3та беллашувда томонлар очколарни бўлиб олишган. Қолган 13та учрашувда “Пахтакор” сафарда уч очкони ўзиники қилган. Сўнгги бор “Сўғдиёна” 1999 йил “Пахтакор”ни мағлуб эта олган.

Нарзулла Сайдуллаев тайёрлади