Превью. «Қўқон-1912» – «Обод»
05 мар 2016 09:10
Янгиликлар

Превью. «Қўқон-1912» – «Обод»

Теглар : Қўқон-1912 Обод

Олий лиганинг 1-турида "Қўқон-1912" клуби ўз майдонида Тошкентнинг "Обод" клубини қабул қилади.

«Қўқон-1912» (Қўқон) – «Обод» (Тошкент)
5 март 2016. Қўқон. "Марказий" стадион. 16:00
Ҳакамлар: И. Танташев (Бухоро), Р. Серазетдинов (Тошкент), Р. Шояхметов (Тошкент), И. Худойдотов (Тошкент)
Назоратчи: И. Нехочин (Наманган).

Олий лига дебютанти ҳисобланган Тошкентнинг “Обод” клуби элитадаги дастлабки расмий учрашувини Қўқонда ўтказади. Тошкент жамоаси бундан икки йил олдин иккинчи лигадан биринчи лигага чиққанди. 2014 ва 2015 йилги мавсумларда биринчи лигада қатнашган “Обод” 2016 йилги мавсумни олий лигада бошлайди. Шавкат Абдухўжаев бош мураббийлигидаги жамоа аъзолари асосан биринчи лигада ўйнаган футболчилардан иборат. Таркибда Ўзбекистон терма жамоаси собиқ ҳужумчиси Павел Соломин бор.

“Қўқон-1912” эса ўтган йил 10 йиллик танаффусдан сўнг олий лигага қайтганди. Водий клуби ўтган йил дастлабки турни Самарқандда “Динамо”ни мағлуб этишга эришганди. Мавсум охирида жамоа 12-ўринни эгаллади. Қишда жамоага Отабек Зокиров, Алишер Зиёвуддинов, Миржалол Қурбонов, Наврўзбек Алимов, Сардор Қаҳҳоров, Абдулазиз Юсупов, Ғайрат Ҳасанов, Достон Турсунов ва Абдуллоҳ Олимов каби футболчилар келишди.

Ҳавола :

Манба : championat.asia

Янгиликларни Телеграмда ўқинг!

Рейтинг: +1