Превью. "Қўқон-1912" - "Андижон"

«Қўқон-1912» (Қўқон) – «Андижон» (Андижон)
2 апрель 2016. Қўқон. "Марказий" стадиони. 16:30
Ҳакамлар: Б. Намозов (Тошкент), Р. Фозилов (Наманган), М. Мажидов (Наманган), И. Гармашов (Тошкент)
Назоратчи: Г. Каримов (Тошкент).
ЎзПФЛ вакили: Р. Черников.
 
“Қўқон-1912” ва “Андижон” олий лигада жами 20 бора тўқнаш келишган. Натижалар “Андижон”нинг устунлигини кўрсатмоқда. “Бургутлар” 9та ўйинда ғолиб бўлишган. 5та ўйинда дуранг қайд этилган. 6 учрашувда эса “Қўқон-1912” зафар қучган. Тўплар нисбатида ҳам “Андижон” олдинда – 41:31. Ўзаро ўйинларда “Андижон” 32 очкони, “Қўқон-1912” эса 23 очкони  қўлга киритган.

“Қўқон-1912”нинг ўзаро ўйинларда қозонган энг йирик ғалабаси – 5:1 га тенг. “Андижон”да бу кўрсаткич 6:0 бўлиб турибди.

Ўтган мавсум Қўқондаги учрашувда ҳисоб очилмаганди. Андижонда эса 3та гол урилганди. Мезбонлар сафида Анвар Бердиев гол урган, қўқонликлар таркиби Отабек Ҳайдаров дубль қайд этганди – 1:2.  

“Қўқон-1912” майдонида бўлиб ўтган сўнгги беш учрашув:
11.04.2015 «Қўқон-1912» - «Андижон» 0:0
29.06.2003 «Қўқон-1912» - «Андижон» 2:1
30.03.2002 «Қўқон-1912» - «Андижон» 1:1
11.04.2000 «Қўқон-1912» - «Андижон» 1:1
23.05.1999 «Қўқон-1912» - «Андижон» 5:1

Ўзаро ўйинлар ҳақида факт: Бу жамоалар Қўқонда 10та ўйин ўтказишган. Шу ўйинлардан 5тасида мезбонлар ғалаба қозонган, 4та учрашувда дуранг ҳисоби қайд этилган. “Андижон” сафарда фақат бир марта (1998 йил) Қўқондан ғалаба билан қайтган.