ПРЕВЬЮ. "Нефтчи" - "Металлург"
20 сен 2014 08:03
Янгиликлар

ПРЕВЬЮ. "Нефтчи" - "Металлург"

Олий лиганинг 20-турини "Нефтчи" ва "Металлург" клублари очиб беришади.

«Нефтчи» – «Металлург»
20 сентябрь. Киргули. “Нефтчи СК”. 16:00
Ҳакамлар: Р.Бобомуродов, Р.Шояхметов, С.Шоюсупов, А.Раҳимов
Назоратчи: В.Валицкий.

“Нефтчи” ва “Металлург” олий лигада 33 бора тўқнаш келишган. Натижалар водий жамоасининг каттагина устунлигини кўрсатмоқда.

“Нефтчи” 33та ўйиндан 19тасини ютган. 8та баҳсда дуранг қайд этилган. “Металлург” бу рақибни 6 марта мағлуб этган. “Нефтчи” ўзаро ўйинларда 66та гол киритган, бекободликлар 33 бора фарғоналиклар дарвозасини ишғол этишган. “Нефтчи” ўзаро ўйинларда 65 очкони ўз ҳисобига ёзиб қўйган бўлса, “Металлург”да бу кўрсаткич 26ни ташкил этади. Фарғоналикларнинг ўзаро ўйинлардаги энг йирик ғалабаси 7:1га тенг бўлса, “Металлург”да бу кўрсаткич 3:1га тенг.

Биринчи даврада Бекободда бўлиб ўтган ўйинда ҳисобни меҳмонлар вакили Отабек Зокиров очганди. Бунга биринчи бўлимга Суннатилла Мамадалиев, иккинчи бўлимга Шаҳзодбек Нурматов жавоб беришганди – 2:1.

Фарғонада бўлиб ўтган сўнгги беш учрашув:
09.03.2013 «Нефтчи» - «Металлург» 0:1
09.08.2012 «Нефтчи» - «Металлург» 4:0
12.03.2011 «Нефтчи» - «Металлург» 3:1
22.05.2010 «Нефтчи» - «Металлург» 3:3
20.06.2009 «Нефтчи» - «Металлург» 2:1

Ўзаро ўйинлар ҳақида факт: “Нефтчи” ўз майдонидаги 16та ўйиннинг 14тасида мезбонлар зафар қучишган. Битта баҳсда дуранг қайд этилган. Фақат бир бора Бекобод клуби сафардан ғалаба билан қайтган.

Ҳавола :

Манба : championat.asia

Янгиликларни Телеграмда ўқинг!

Рейтинг: