Превью. "Бунёдкор" - "Локомотив"

«Бунёдкор» (Тошкент) – «Локомотив» (Тошкент)
22 август 2015. Тошкент. "Бунёдкор" стадиони. 19:00
Ҳакамлар: З. Қодиров (Навоий), Р. Самандаров (Навоий), О. Жумаев (Навоий), Д. Джалимов (Нукус)
Назоратчи: Ш. Жумаев (Қарши).
ЎзПФЛ вакили: Ф. Магаметов.

“Бунёдкор” ва “Локомотив” олий лигада 15 бора тўқнаш келишган. Натижалар “қалдирғочлар”нинг устунлигини кўрсатмоқда.

“Бунёдкор” ушбу рақибни 8 марта мағлуб этган. 4та ўйинда дуранг натижаси қайд этилган. “Локомотив” ҳозиргача “Бунёдкор”ни 3 марта мағлуб эта олган. “Бунёдкор” ўзаро ўйинларда 25та гол урган, “Локомотив” футболчилари 17 марта ҳамшаҳарлари дарвозасини ишғол этишган. “Бунёдкор” ўзаро ўйинларда 28 очкога эга бўлган, “темирйўлчилар” ҳисобида 13 очко бор. “Бунёдкор”нинг ўзаро ўйинларда энг йирик ғалабаси 4:0га тенг. “Локомотив”нинг энг йирик ғалабаси – 3:0.

Биринчи даврада “Локомотив” мезбон бўлган ўйинда йирик ҳисоб қайд этилган эди. Темурхўжа Абдухолиқов, катта Жасур Ҳасанов ва Руслан Корян томонидан урилган голлар “темирйўлчилар”га 3:0 ҳисобидаги ғалабани келтирганди. Ўша ўйинда Элдор Шомуродов қизил карточка олиб майдонни тарк этганди.

“Бунёдкор” майдонида ўтган барча учрашувлар:
11.04.2014 «Бунёдкор» - «Локомотив» 1:1
04.07.2013 «Бунёдкор» - «Локомотив» 1:1
22.04.2012 «Бунёдкор» - «Локомотив» 1:1
16.10.2010 «Бунёдкор» - «Локомотив» 1:0
24.10.2009 «Бунёдкор» - «Локомотив» 2:1
02.05.2008 «Бунёдкор» - «Локомотив» 2:0
17.03.2007 «Бунёдкор» - «Локомотив» 3:1

Ўзаро ўйинлар ҳақида факт: “Бунёдкор” майдонида бўлиб ўтган 7та ўйиннинг тўрттасида мезбонлар ғалаба қозонган. Қолган учта учрашувда дуранг кузатилган. “Темирйўлчилар” бу жамоа майдонида умуман ғолиб бўлмаган. “Бунёдкор” майдонида ўтган охирги учта баҳсда бир хил 1:1 ҳисоби қайд этилган.