Погба билан Моуриньонинг муносабатига дарз кетган. "Юве" Погбани ортга қайтармоқчи
25 май 2018 14:20
Янгиликлар

Погба билан Моуриньонинг муносабатига дарз кетган. "Юве" Погбани ортга қайтармоқчи

"Манчестер Юнайтед"дан текинга "Ювентус"га ўтган ва 2016 йили ёзда 105 миллион евро эвазига қайтарилган Поль Погба яна Манчестерни тарк этиши мумкин.

Бу ҳақда "Tutto Juve" нашри хабар тарқатди.

Манбанинг маълум қилишича, Погба ва "Манчестер Юнайтед" бош мураббийи Жозе Моуриньонинг ўзаро муносабати ёмонлашган. "Ювентус" эса ушбу имкониятдан фойдаланиб қолмоқчи.

Туринликлар бош мураббийи Аллегри клуб раҳбариятига марказ учун Погбани қайтариш ёки "Лацио"дан Сергей Милинкович-Савични олиб келиш талабини қўйганди. "Ювентус" эса Погбани жамоага қайтариш чораларини изламоқда.

Айни пайтда Погба ва Моуриньонинг муносабатлари идеал даражада эмас. Туринликлар эса ушбу вазиятда футболчининг агенти Мино Райола орқали Погбани "Ювентус"га қайтариш режасини амалга оширишмоқчи.

Фақат битта муаммо мавжуд. Погба "Манчестер Юнайтед"да 9 миллион евро маош олади. Милинкович-Савичнинг "Лацио"даги маоши эса бор-йўғи 1,5 миллион еврони ташкил қилади. Лекин "Лацио" ўз футболчисини арзон гаровга қўйиб юбормоқчи эмас.

"Ювентус" раҳбарияти Погба ва Милинкович-Савич танловидан қай бирига тўхталишини эса вақт кўрсатади.

Ҳавола :

Манба : championat.asia

Янгиликларни Телеграмда ўқинг!

Рейтинг: -7