Подольски фаолиятини Туркияда давом эттиради

«Fanatik» хабарига кўра, 34 ёшли футболчи “Антальяспор” клуби таклифини қабул қилган. Яқин соатларда футболчи Анталаияга келади ва клуб раҳбарлари билан учрашиб, бир ярим йиллик шартномага имзо чекиши кутилмоқда.

“Виссел Кобе” кеча футболчининг клуб билан тузган шартномаси якунига етганлиги ҳақида хабар қилди. Форвард эркин агентга айланди.

Лукаш учун Туркия бегона жой эмас. У 2015-17 йилларда “Галатасарай” шарафини ҳимоя қилган. “Кьёлн” клуби тарбияланувчиси ҳисобланган германияли футболчи фаолияти давомида “Бавария”, “Арсенал”, “Интер” клублари шарафини ҳимоя қилган. 2017 йилдан у “Виссел Кобе” сафида тўп тепиб келаётганди.