Подольски Бундеслигага қайтиш ҳақида ўйламоқда
08 янв 2020 22:16
Янгиликлар

Подольски Бундеслигага қайтиш ҳақида ўйламоқда

Германия терма жамоаси афсонаси фаолиятини "Кёльн"да давом эттириши мумкин.

"Sport Bild" хабарига кўра, "Виссел Кобе" ҳужумчиси Лукас Подольски клуб билан шартномаси якунлангач Японияни тарк этади. 34 ёшли футболчининг япон клуби билан ҳамкорлиги 31 январда ниҳоясига етади. Подольски Германияга қайтиб, "Кёльн" жамоаси билан мавсум якунига қадар мўлжалланган шартнома имзоламоқчи. Агар Бундеслига эшиклари очилмаса, Лукас Польшанинг "Гурник Забже" жамоаси сафига қўшилишни режалаштириб қўйган.

Маълумот учун, Подольски Япония чемпионатининг жорий мавсумида 13 учрашувда майдонга тушиб, ўз ҳисобига 5 та гол, 3 та голли узатма ёздириб қўйди.

Ҳавола :

Манба : Sport Bild

Янгиликларни Телеграмда ўқинг!

Рейтинг: