Почеттино: "Ҳисоб-китобларимизга кўра, Неймар "Реал"га қарши майдонга тушади"
10 фев 2022 23:35
Янгиликлар

Почеттино: "Ҳисоб-китобларимизга кўра, Неймар "Реал"га қарши майдонга тушади"

Мураббий бразилиялик форвард ЕЧЛ ўйинларига қадар тикланиши мумкинлигини айтди.

ПСЖ клуби бош мураббийи Маурисио Почеттино Неймар "Реал Мадрид"га қарши ўйинга қадар сафга қайтиши мумкинлигини маълум қилди.

"Ҳисоб-китобларимизга кўра, Неймар "Реал"га қарши майдонга тушади. Барча катта футболчилар бу каби ўйинларда майдонга тушишни исташади. Неймар бундай катта ўйинларга жароҳатлар билан етиб келиш нималигини жуда яхши билади. У керакли ўйинга бор энергиясини жамлаш ва майдонга тушишни уддалаш учун етарли даражада етук ўйинчи. Бунинг учун барча шароит етарли", -дейди Маурисио Почеттино.

Неймар жорий мавсум Лига 1 доирасидаги 10та ўйинда майдонга тушиб, 3та гол ва 3та ассист қайд этди.

ПСЖ - "Реал" ўйини 15 февралда, жавоб баҳси эса 9 мартда ўтказилади.

Ҳавола :

Манба : Marca

Янгиликларни Телеграмда ўқинг!

Рейтинг: +3