Почеттино Дайер ва Уолкерга боғлиқ миш-мишлардан ҳавотирда эмас
27 май 2017 14:16
Янгиликлар

Почеттино Дайер ва Уолкерга боғлиқ миш-мишлардан ҳавотирда эмас

"Тоттенхэм" бош мураббийи Маурисио Почеттино "шпорлар" футболчиларига оид трансфер миш-мишларини тўғри қабул қилади.

Шу ҳафтада ярим ҳимоячи Эрик Дайер ва ҳимоячи Кайл Уолкер "Манчестер Юнайтед" ва "Манчестер Сити"га ўтиши ҳақида маълумотлар эълон қилинган эди.

"Кўплаб миш-мишлар бор. Улар ҳақида гапиришни ёқтирмайман. Мавсум давомида футболчиларимиз ва мен ҳақимда кўп миш-мишлар эшитамиз. Футболчиларимиз билан боғлиқ вазиятдан ҳавотирдам эмасман.

Ўзимиз сақлаб қолмоқчи бўлган футболчиларимиз, келаси мавсум ҳам жамоа сафида тўп тепишади. Сотишни истаганларимизни сотамиз.

Аммо бу доимо клуб қарори бўлади ва миш-мишлардан ҳавотирга тушмаймиз" - дейди Почеттино.

Ҳавола :

Манба : Reuters

Янгиликларни Телеграмда ўқинг!

Рейтинг: +3