Пляж футболи терма жамоасининг Осиё чемпионатида қатнашадиган таркиби

Бош мураббий Аҳад Юсупов пляж футболи бўйича Осиё чемпионатига тайёргарлик кўриш мақсадида 14-21 март кунлари БААнинг Дубай шаҳрида йиғинга киради. Мазкур йиғин доирасида "Ал Шабаб", "Ал Аҳли" ва Қувайт терма жамоасига қарши ўртоқлик учрашувлари ўтказилади.

Йиғинни тугатиб, терма жамоа делегацияси 22 март куни Қатар пойтахти Доҳа шаҳрига йўл олади.

Ўзбекистон терма жамоасининг Осиё чемпионатида қатнашадиган якуний таркиби:
Дарвозабонлар: Акмал Ҳазратқулов, Ғанишер Холмуродов.
Ўйинчилар: Тохир Абдураззоқов, Феруз Фахриддинов, Сарвар Шоаҳмедов, Фарҳод Мираҳмедов, Фурқат Азизов, Фарҳод Жумаев, Сарвар Холмуродов, Жаъфар Ирисметов, Жамол Шарипов.

Йиғиндан сўнг таркибда ўзгариш бўлиши мумкин.

Доҳа 23-28 март кунлари бўлиб ўтадиган пляж футболи бўйича Осиё чемпионатига мезбонлик қилади. Минтақанинг 15 та энг яхши жамоаси Осиё чемпионатида иштирок этиш орқали шу йили 9-19 июль кунлари Португалияда бўлиб ўтадиган пляж футболи бўйича Жаҳон чемпионатига ажратилган 3 та йўлланма учун курашади.

Ўзбекистон терма жамоаси Доҳадаги Осиё чемпионатида аввал хабар бериб ўтганимиздек, «C» гуруҳида БАА, Фаластин ҳамда Ироқ терма жамоалари беллашади; мусобақанинг 1-турида, яъни 23 март куни Фаластин, 2-турда (24 март) БАА, 3-турда (25 март) Ироққа қарши ўйнайди.