Пиоли: "Милан" ушбу мавсумда кутилганидан кўра яхшироқ бўла олди"

"ЕЧЛдаги кўнгилсизликдан сўнг бундай ўйин кўрсатиб, ғалабага эришганимиз яхши ҳолат бўлди. Кўп гол урдик ва бизга ишонч тухфа қилади. Иккита ўйин қолди ва шундан кейин биз нималарга эришганимиз аён бўлади.

Биз ЕЧЛда кутилганидан кўра кўпроғини қўлга кирита олдик. Масалан, ўтган мавсумда гуруҳдан чиқа олмагандик. Бироқ албатта, йўл ҳали тугагани йўқ.

А Серияда эса ишлар биз истагандек кечмади. Бизга барқарорлик етишмади ва бугунги каби ўйинларда кўп мағлуб бўлдик. Олдимизда "Ювентус" кутиб турибди. Шунчаки яхши ўйин намойиш қилсак, кўпроғини қўлга кирита олишимизни тушунишимиз керак.

Сўнгги икки мавсумдаги саргузаштларимиз ажойиб бўлди, кутилганидан кўра кўпроғини мухлисларга бера олдик. Молиявий томондан барчаси жойида. Ёш жамоанинг ўсишига замин ярата олдик, скудеттони қўлга киритдик, ЕЧЛ ярим финалига чиқдик.

Ҳақиқат шундан иборатки, "Милан" нафақат Италияда, балки Европада рақобатбардош бўлиши керак. Биз даражани кўтара олдик, бироқ айрим хатолар бизнинг А Сериядаги ўрнимизга таъсир қилди. Қарорларимиз, клуб, футболчиларимиз билан фахрланаман. Бу ерда барчамиз чин юракдан меҳнат қилсак, янада кучлироқ бўла олишимизга ишонаман", - деди Пиоли.