"PFLMANAGER.UZ": Xiaomi смартфонлари соҳиблари аниқ!

Ўзбекистон Суперлигаси асосида яратилган виртуал футбол сайти "PFLMANAGER.UZ" сайтида дастлабки совринли лига ишга тушганидан хабарингиз бор.

16 март куни Ўзбекистон Суперлигасида 3-тур баҳслари старт олди. Худди шу куни "PFLMANAGER.UZ" сайтида "Наврўз" совринли лигаси фаолиятини бошлаганди. 4та тур давом этган ушбу лигада энг кўп очко тўплаган 3 нафар иштирокчи қимматбаҳо, замонавий Xiaomi смартфонларини қўлга киритди. Яна 7 нафар иштирокчи эса эсдалик футболкаларига эга чиқишди.

"Наврўз" лигасида "Shofirkon" номли фойдаланувчи 204 очко тўплаган ҳолда биринчи ўринни қўлга киритди. Иккинчи ўрин эса "Cryezbaut0898" иштирокчига насиб этди. Ушбу фойдаланувчи 203 очко йиғди. "Nilmar" номли жамоа эса 202 очко билан учинчи ўринни эгаллади.

Қолган етти нафар иштирокчи, яъни 4-10 ўрин эгалари "Semurg’823", "Aral-Jayxun", "FCNASAF1993", "FC_SHURTAN-8", "mirjalol", "B_FCPakhtakor", "Sarbozar siti" эсдалик футболкаларини қўлга киритишди.

"Наврўз" совринли лигасининг турнир жадвали (TOP-10)

4та тур (3-6 тургача) давом этган "Наврўз" совринли лигасида жами 4840та жамоа иштирок этди.

Ғолиблар билан тез орада боғланамиз!

Ушбу ўйин ҳақида барча маълумотлар қуйидаги ҲАВОЛАда берилган >>> PFLMANAGER.UZ ҳақида батафсил маълумот