Перес: "Зиданнинг қарори биз учун кутилмаган янгилик бўлди"
31 май 2018 16:53
Янгиликлар
Перес: "Зиданнинг қарори биз учун кутилмаган янгилик бўлди"
"Реал" президенти Флорентино Перес жамоа бош мураббийи Зинедин Зиданнинг клубни тарк этиш қарорига изоҳ берди.
"Зиданга вафодорлиги, меҳри ва бу йиллари ичидаги меҳнатлари учун миннатдорчилик билдирмоқчиман. Бу хайрлашув эмас, ҳали яна кўришамиз. Агар унга танаффус керак бўлса, Зидан бунга муносиб.
Чемпионлар лигасидаги муваффақиятдан сўнг бу қарор биз учун кутилмаган янгилик бўлди, аммо буни фақат қабул қилишимиз мумкин. Зиданни фикридан қайтарган бўлардим, аммо ҳозир унинг ҳолатини тушуниб турибман" - дейди Перес.
Зидан 2016 йилнинг январида "Реал" бош мураббийи сифатида таништирилган эди. "Қаймоқранглилар" франциялик мутахассис қўл остида бир марта Испания чемпионати ва Суперкубогида ғолиб чиқди. "Қироллик клуби" Чемпионлар лигасида кетма-кет уч марта, УЕФА Суперкубоги ва клублар ўртасидаги жаҳон чемпионатида икки мартадан ғолиб бўлди.
Ўхшаш янгиликлар
championat.asia
Клублар ўртасидаги ЖЧга қизиқиш жуда паст
Клублар ўртасидаги ЖЧ. "Реал Мадрид" "Ал Ҳилол" билан дуранг ўйнади. Вальверде 90+2 дақиқада пенальтини голга айлантира олмади
"Жаҳон чемпионатида Ўзбекистон ва Украина беллашувини кўришни истардим" – Максим Шацких билан катта интервью
Шомуродовга қизиққан МЛС жамоаси маълум
Фикрлар