"Реал Мадрид" клуби президенти Флорентино Перес Суперлигани ташкил қилишда дуч келаётган қийинчиликлари ва мухлисларнинг норозилиги вақтинчалик эканлигини таъкидлади.
"1955 йилда ҳам Европа чемпионлар кубоги ташкил қилинаётганда ҳам шундай норозилик бўлганди. Сиз футбол да ўзингизда бор барча ресурс ва қадр-қимматингизни ишга солишингиз керак. Европа Иттифоқининг принциплари ҳам бор - бирдамлик, рақобат ва ҳалол ўйин. Биз тартиб ўрнатишимиз лозим. Мен бу учун курашишда давом этаман", -дейди Флорентино Перес.
Эслатиб ўтамиз, Суперлига лойиҳасини ёқлаб дастлаб 15 клуб овоз берганди. Ҳозирга келиб эса, фақатгина учта клуб "Реал", "Барселона" ва "Ювентус" ушбу мусобақани қўллаб-қувватламоқда.
