UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

“Пахтакор”да тўп тепган, Сурхондарё футболининг юлдузи Марат Кабаев 59 ёшга тўлди Янгиликлар

“Пахтакор”да тўп тепган, Сурхондарё футболининг юлдузи Марат Кабаев 59 ёшга тўлди

Бугун ўз таваллуд кунини нишонлаётганлар орасида “Пахтакор” жамоасида ўйнаган сурхондарёлик футболчи, мутахассис Марат Кабаев ҳам бор.

Таниқли футболчи 59 ёшни қарши олди.

1961 27 майда татар оилада дунёга келган Кабаевнинг болалик йиллари Сурхондарё вилоятининг Узун туманида ўтди. Унинг отаси Вазих Кабаев ўз вақтида Ўзбекистон кураш федерациясида фаолият кўрсатган, турли лавозимларда ишлаганди. Марат эса бир вақтнинг ўзида футбол ва баскетбол билан бирга шуғулланди. 15 ёшидан Москвадаги футбол мактабларида турли гуруҳларда ўз имкониятларини синаб кўргач, 1979 йилда Термизга қайтди. 1980 йилдан бошлаб янги тикланиш жараёнини бошидан кечираётган “Пахтакор” республикамизнинг турли жойларидан иқтидорларни йиғишни бошлади. Марат Кабаев ҳам Термизнинг “Автомобилист” жамоасидан таклиф қилинди. 28 сентябрда Тошкентда Львовнинг “Карпати”сига қарши ўйинда мураббий Иштван Секеч асосий таркибга киритди. Биринчи голини эса Симфераполнинг “Таврия” жамоасига урди.

1981 йилда СССР ёшлар терма жамоаси билан Франциядаги турнирда қатнашгач кейинги йилларда СССР олимпия терма жамоасига киритилди. 1986 йилда бир мавсум биринчи лигада СКА клубида ўйнаб “Пахтакор” сафига қайтди ва жамоанинг энг яхши  тўпрурари бўлди. 1989 йилда украиналик мутахассис Евгений Кечеревскийнинг қизиқишлари доирасига тушиб қолди. Натижада Игорь Шквирин билан бирга “Днепр”га кўчиб ўтди. Лекин, кутилмаган машғулотларда орттириб олинган жарохат фаолиятини бир маромида давом эттиришга тўсқинлик қилди. Бунинг оқибатида кўп бор жамоа алмаштиришига тўғри келди. “Умид”, “Трактор”, “Навбаҳор”, “Қайсар” клубларида қисқа вақт ҳаракат қилди ва Самарқанднинг “Динамо” жамоасида бутсаларини михга илди. 

Мураббийлик фаолиятини Тошкентнинг “Трактор” клубида бошлади ва уч мавсум давомида Вадим Абрамовга кўмаклашди Бир неча йил мобайнида “Чиғатой” футбол мактабида ёшларга дарс берди. Игорь Шквирин 2008 йилда “Олмалиқ” жамоасининг бошқарувини ўз қўлига олгач дўстини ўринбосарлар жамоасига мураббийлигига таклиф қилди. 2009 йилда эса Аҳмад Убайдуллаевга Мисрда ўтган кичик Жаҳон чемпионатида ассистентлик қилди. Футболимиз раҳбарлари унинг тажрибасини инобатга олиб 1991 йилда туғилган футболчилардан иборат ёшлар терма жамоасини ишониб топширди. Ўша жамоада Акбар Исматуллаев, Дилшод Жўраев, Темурхўжа Абдухолиқов, Егорь Кримецлар ўйнаганди. Лекин, 2010 йилги Осиё чемпионатида терма жамоа чорак финлдан ортга қайтишга мажбур бўлди. 2011 йилда “Қизилқум” жамоасидаги иши билан Ўзбекистондаги фаолиятига якун ясади. 2012-2015 йиллар оралиғида “Рубин”да Қурбон Бердиевга селекционер мураббий сифатида ёрдамлашди. Сардор Азмуннинг порлашида билсангиз Кабаевни ҳам ўрни бор. Азмунни селекция натижасида Қозонга айнан Кабаев олиб келганди.

Сайтимиз ижодкорлари номидан Марат Кабаев соғлик ва саломатлик тилаб қоламиз.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика