"Пахтакор": Ёшлар ва биринчи лига жамоаси назорат баҳсида ғалаба қозонди

Январь ойининг бошидан машғулотларга киришган ҳар икки жамоа сафида академия тарбияланувчилари шуғулланишмоқда. Илҳом Мўминжонов бошчилигидаги ёшлар жамоаси назорат учрашувида "Бунёдкор-Геофизика"дан 3:0 ҳисобида устун келди. Иброҳимов, Ғофуров ва Сидоров томонидан киритиган тўплар ғалабани таъминлади. 15 январь, чоршанба куни ушбу жамоамиз "Обод" жамоасига қарши назорат учрашувида майдонга тушади. "Пахтакор"га қайтган мураббий Владимир Андреев Мўминжоновнинг ёрдамчиси сифатида фаолият кўрсатади.

Дилшод Нуралиев бошқаришга киришган биринчи лигада иштирок этадиган жамоа таркиби ҳам академиянинг энг ёш тарбияланувчилари эвазига шакллантириляпти. Шанба куни бу жамоа Тошкент шаҳрининг "Спартак" жамоасини 7:1 ҳисобида доғда қолдирди. Нуралиевга Жасур Абдураимов ёрдам бермоқда.