"Пахтакор" йирик агентлик мижози бўлган ироқлик футболчига кўз тикди
10 июл 17:06
Янгиликлар

"Пахтакор" йирик агентлик мижози бўлган ироқлик футболчига кўз тикди

"Пахтакор" Ироқ терма жамоаси ҳимоячиси Заид Таҳсинга қизиқмоқда.

Бу ҳақда Championat.asia сайти бош муҳаррири Нарзулла Сайдуллаев маълумот берди.

24 ёшли ҳимоячи Ироқнинг "Ал Қува Ал Жавия" жамоаси аъзоси бўлиб, ўтган мавсум 35 ўйинда қатнашган ҳамда 2 та гол ва 2 та голли узатмага муаллифлик қилган. Transfermarkt портали уни 450 минг еврога баҳолаган.

Маълумот ўрнида, Федерико Вальверде, Кёртис Жонс, Дензел Дюмфрис, Мало Гюсто, Мануэль Аканжи, Натан Аке, Жон Стоунз ва бошқа юлдузлар Таҳсиннинг ҳуқуқларига эгалик қилувчи Wasserman агентлиги мижозлари ҳисобланади.

Эслатиб ўтамиз, Заид Таҳсин 2024 йил Қатарда бўлиб ўтган U-23 Осиё Кубогида Ироқ олимпия терма жамоаси сардори бўлган.

Ҳавола :

Манба : t.me/PenaltyNarzulla

Янгиликларни Телеграмда ўқинг!

Рейтинг: +17