"Пахтакор" стадионига томошабинлар ташрифи 3 баравадан ҳам кўпроқ ўсди

2017 йил "Пахтакор"нинг уйдаги 14та ўйинга жами 58903 томошабин келганди. Бу ҳар бир учрашувга ўртача 4207 томошабин келди деганидир.

Бу йил эса "Пахтакор" ҳозирга қадар ўз майдонида 9та учрашув ўтказди. Мазкур ўйинларга жами 124432 томошабин ташриф буюрди. Яъни битта баҳсга ўртача 13826 мухлис келди дегани.

Рақамлар шуни кўрсатадики бир йил ичида томошабинларнинг ўртача ташрифи 3 баравардан ҳам кўпроққа ўсди. Шубҳасиз бунда мухлислар клубининг етакчиларининг роли катта бўлаяпти деб ўйлаймиз. Авваллари ўйинларнинг биринчи бўлимидан кейин ишқибозларни кетиб қолишини кўрар эдик. Жорий мавсум эса бу ҳолат сезиларли даражада камайганини кузатаяпмиз.

Сўнгги йилларда "Пахтакор"нинг уй ўйинларига келган ўртача мухлислар сонини тақдим этамиз:

2014 - битта уй учрашувига ўртача 4206
2015 - битта уй учрашувига ўртача 2564
2016 - битта уй учрашувига ўртача 1472
2017 - битта уй учрашувига ўртача 4207
2018 - битта уй учрашувига ўртача 13826