"Пахтакор" қандай таркиб билан Дохага етиб боргани маълум бўлди

Тушга яқин Тошкентдан Доха томон парвоз қилган самолётда "Пахтакор" Қатарга келди ва меҳмонхонага жойлашиб улгурди. "Ал-Гарафа"га қарши 30 январь куни "Тани Бин Жассим" стадионида кечадиган учрашувга тайёргарлик Дохада давом эттирилади. Бугунги машғулот Тошкент вақти билан соат 21:00да бошланади.

Шота Арвеладзе Қатардаги ўйин учун қуйидаги футболчиларни танлаб олган:

Дарвозабонлар - Александр Лобанов, Элдор Суюнов, Ботирали Эргашев*
Ҳимоячилар - Камолиддин Тожиев, Акмал Шораҳмедов, Марко Симич, Фарруҳ Сайфиев, Владимир Козак, Егор Кримец, Шерзод Аъзамов.
Ярим ҳимоячилар - Акбар Исматуллаев, Азим Аҳмедов, Достон Иброҳимов, Жамшид Искандеров, Жалолиддин Машарипов, Ростин Гриффитс, Баҳром Абдураҳимов, Дилшод Раҳматуллаев, Жасур Яхшибоев*
Ҳужумчилар - Тиаго Безерра, Жасур Ҳакимов, Забиҳилло Ўринбоев*

* - Эргашев, Яхшибоев ва Ўринбоев 29 январь куни Дохага Хитойдан етиб келишади.