"Пахтакор", "Навбаҳор" ва "Нефтчи" 700-ўйин остонасида
25 авг 2015 12:22
Янгиликлар

"Пахтакор", "Навбаҳор" ва "Нефтчи" 700-ўйин остонасида

Бугун ва эртага олий лиганинг 20-туридан ўрин олган ўйинлар бўлиб ўтади.

Ушбу турда учта клубимиз ўзларининг юбилей ўйинларини ўтказишади.

Олий лиганинг барча мавсумларида узлуксиз тарзда қатнашиб келаётган "Пахтакор", "Навбаҳор" ва "Нефтчи" клублари учун 20-турдаги ўйин 700-учрашув бўлади.

Ҳозирга қадар "Пахтакор" 699та ўйинда 481та ғалаба, 110 дуранг ва 108та мағлубият қайд этган. Тўплар нисбати 1602-588. Умумий очколар сони 1553тани ташкил этмоқда.

"Нефтчи" эса 699та баҳсдан 448тасида ютган, 101 марта дуранг ўйнаган ва 150 бор мағлуб бўлган. 1480та гол уриб 710та гол қўйиб юборган. Очколари сони 1445та.

"Навбаҳор"нинг статистикаси қуйидагича: 699та ўйин, 343 ғалаба, 132 ўйин, 224 мағлубият. Тўплар нисбати 1226-828. Очко - 1161.

Маълумот учун, бугунга қадар Ўзбекистон чемпионати тарихида ҳеч бир клуб 700та ўйин ўтказмаган. Ўйинлар сони бўйича тўртинчи ўринни "Бухоро" клуби банд этиб турибди - 673та баҳс.