"Пахтакор" чорак финалда ким билан ўйнашини қуръа ҳал қилади
27 сен 2020 00:49
Янгиликлар

"Пахтакор" чорак финалда ким билан ўйнашини қуръа ҳал қилади

Теглар : ОЧЛ-2020 Пахтакор

Осиё чемпионлар лигаси ғарб минтақасида ҳал қилувчи палла яқинлашмоқда.

Бироз олдин Ўзбекистон чемпиони "Пахтакор" клуби Эроннинг "Истиқлол" клубини 2:1 ҳисобида мағлуб этиб чорак финалга чиқди.

Бугун Саудия Арабистонининг "Ал Аҳли" клуби ҳам БААнинг "Шабаб Ал Аҳли" жамоасини пенальтилар сериясида мағлуб этиб чорак финалга йўлланма олганди.

Қолган икки ўйин 27 сентябрь куни бўлиб ўтади. Унда "Персеполис" - "Ал Садд" ва "Ал Насср" - "Ал Таавон" жуфтликлари тўқнаш келади.

Чорак финал жуфтликлари эса қуръа ёрдамида аниқланади. Қуръа 28 сентябрь (душанба) куни Доҳа шаҳрида Тошкент вақти билан соат 13:00да бошланади.

Маълумот учун, ғарб минтақасида чорак финалнинг иккала ўйини ҳам 30 сентябрь куни Доҳадаги "Жассим бин Ҳамад" стадионида бўлиб ўтади.

Ҳавола :

Манба : championat.asia

Янгиликларни Телеграмда ўқинг!

Рейтинг: +65