"Пахтакор": Чемпионлар лигаси учун аккредитация бошланди

1-турда жамоамиз "Пахтакор" стадионида саралаш босқичи ғолибига қарши майдонга тушади. Ўша куни "Нафт" (Эрон) - "Ал Жаиш" (Қатар)/"Наҳда" (Уммон) учрашувларида ғалаба қозонган клуб меҳмон бўлади. "Пахтакор"нинг Чемпионлар лигаси 2015 йилги мавсумидаги уй ўйинлари учун аккредитациядан ўтиш жараёни бошланганини маълум қиламиз.

Аккредитациядан ўтган ОАВ вакиллари жамоамиз иштирокидаги уй ўйинларини медиа трибунадан томоша қилиш, матбуот анжуманларида иштирок этиш, микст зонада футболчилардан интервью олиш, медиа марказда ишлаш ва журналистларга яратилган қулайликлардан фойдаланиш ҳуқуқига эга бўлишади. Аккредитациядан ўтиш учун 3Х4 ҳажмида бир дона расм, паспорт нусхаси ва иш жойидан хат электрон кўринишда pakhtakortashkent@gmail.com манзилига жўнатилиши лозим.