"Пахтакор-79" хотираси ёдга олинди
11 авг 2022 14:53
Янгиликлар

"Пахтакор-79" хотираси ёдга олинди

Бугун, 11 август куни "Пахтакор-79" фожиасига 43 йил тўлди.

Боткин қабристонида 1979 йил ҳаётдан кўз юмган жамоа вакилларини хотирлаш тадбири ўтказилди.

Унда футбол жамоатчилиги, мутахассислар, фахрийлар, "Пахтакор" раҳбарияти ва асосий таркиб вакиллари, мухлислар жам бўлишди. Маросимни олиб борган таниқли спорт шарҳловчиси Мирзаҳаким Тўхтамирзаев ўша "Пахтакор" бутун Ўзбекистонни дунёга танитгани, мухлислар ёқимтойига айланиб, уларнинг фахри бўлгани, фожиа сабабли ўзбек футболи катта йўқотишга учрагани тўғрисида тўхталиб ўтди.

Шундан кейин ўзбек футболи афсоналари Биродар Абдураимов ва Тўлаган Исоқов, "Пахтакор" ФК раиси ўринбосари Дилшод Каримов ва жамоа бош директори Дмитрий Адисман, футбол мухлислари сўзга чиқиб, шонли жамоа хотираси ҳақида сўзлаб ўтишди.

Хотира тадбиридан суратларни тўлиқ равишда сайтимизнинг махсус бўлими орқали томоша қилинг >>>>> ФОТОГАЛЕРЕЯ

Фото: Жаҳонгир Файзуллаев