Пауло Дибала: "Криштиануга уни ёмон кўришимни айтганман"

"Криштиану билан елкама-елка ажойиб уч йилни ўтказдик. Кучли жамоа жамланган эди, Криш эса уни янада кучайтириш учун келганди. Аргентинада Месси ва Криштиану қаршилигини ўзгача ҳиссиётлар билан кузатишади. Бир нарса аниқки, болаликда мен Месси томонида эдим.

Ёдимда, бир марта ўйинга самолетда учиб кетардик. Роналду олдимда ўтирганди, аммо қайсидир паллада ортига қаради ва биз футбол, турли нарсалар ҳақида шунчаки суҳбатлаша бошладик. Биз ҳаётимиз ҳақида гапирарканмиз, болалигимда уни ёмон кўрганимни айтдим, у эса кулиб юборди. Иккаламиз ҳам бу нарсани мазза қилиб кулиб гаплашгандик. У нафақат зўр футболчи, балки ажойиб инсон".