Париж-2024 саралаш ўйинлари олдидан ЎФА аёллар терма жамоаси аъзолари билан учрашди (+тақвим)

Вакилларимиз апрелm ойида Париж-2024 Олимпия ўйинларининг Осиё минтақаси саралаш босқичида доирасида Иордания, Тимор Лесте ва Бутан жамоаларига қарши учрашув ўтказади.

ЎФА раҳбарияти жамоанинг машғулотларига бориб, бош мураббий Мидори Ҳонда билан футболчиларнинг айни пайтдаги ҳолати ва имкониятлари хусусида суҳбатлашди. Аёллар термаси олдига ҳам катта вазифалар белгиланганини айтиб, бу йўлда ЎФА томонидан барча шароитлар тақдим этилишини маълум қилди. Футболчилар билан суҳбатда жамоавий аҳиллик ва бирдамлик кўрсатган ҳолда Олимпиада ҳамда Жаҳон чемпионати йўлида тинмай меҳнат қилиш кераклиги айтилди. Учрашув якунида Равшан Ирматов бўлажак ўйинларда жамоага омад тилади.

Эслатиб ўтамиз, терма жамоамиз иштирокидаги Олимпия ўйинларининг Осиё минтақаси саралаш босқичи “А” гуруҳидан ўрин учрашувлар Ўзбекистонда ўтказилади. Баҳслар 5, 8 ҳамда 11-апрел кунлари бўлиб ўтади.

5 апрель | 17:00

Ўзбекистон – Бутан

“Пахтакор”

8 апрель | 17:00

Тимор Лесте – Ўзбекистон

“Пахтакор”

11 апрель | 17:00

Ўзбекистон – Иордания 

“Пахтакор”