Паненка оғир аҳволда шифохонага ётқизилди
07 окт 2020 21:45
Янгиликлар

Паненка оғир аҳволда шифохонага ётқизилди

Чехиянинг “Богемианс” клуби президенти Антонин Паненка соғлиғи оғирлашгани туфайли реанимация бўлимига олинди.

“Антонин Паненка бугун оғир аҳволда реанимация бўлимига ётқизилди, унга қурилмалар уланган. Унинг ҳозирги ҳолати бўйича изоҳ беролмаймиз”, дея ёзилади клуб расмий сайтида.

71 ёшли Паненка 1976 йил Европа чемпионати финали Германия Федератив Республикаси (ГФР)га қарши баҳснинг пенальтилар сериясида 11 метрлик нуқтадан машҳур “парашют” услубида зарба бериб, тўпни дарвоза марказига жойлаб қўйган ва жамоасига қитъа биринчилигининг олтин медалларини олиб келганди. Ўшандан буён пенальтини шу каби амалга ошириш “Паненка” услуби деб аталади. Хавбек футболчилик фаолиятида “Богемианс”, “Рапид”, “Санкт-Пёльтен”, “Слован”, “Хоэнау” ва “Кляйнвизендорф” каби жамоалар шарафини ҳимоя этган.