Пайшанба - мухлис минбари. Ўзбек ўғли Равшан энг олий ҳакам

Ўзбекистонлик Халқаро тоифадаги футбол ҳаками Равшан Эрматовга   БАҒИШЛОВ

Дунё футболи ҳам берганидан тан,
Малайзиядаги йиллик анжуман,
Осий футболин аъёнлари жам,
Эътироф этилди тўрт карра бор ҳам,
Юксакка кўтарди нишонин маҳкам,
Ўзбек ўғли Равшан  Энг олий ҳакам.

Адолат, жасорат унда мужассам.
Маҳорат ва ғайрат унда жамулжам,
Майдонда олқишлар футбол фанат ҳам,
Равшандир Қитъада энг одил ҳакам.

Унда Мангуберди жасорати бор,
Амир Темур бобом қатъийлиги бор,
Улуғбек бобомнинг ўткир кўзи-ю,
Ўзбегим самимий хулқ одоби бор.

Унда алломалар донолиги бор,
Юзидан нур ёғар сиймолиги бор,
Халқимнинг пурмаъно ҳикматлари-ю,
Мард ўғлон, мададкор, ошнолиги бор.

Жам этмиш Ўзбекгим ҳислатларин кўп,
Самимий, ростгўйлик салобатин хўп,
Ҳалол, пок меҳнатин, саҳийлигию,
Қалб қўрин нияти, яхшилиги тўп.

Қанча таъриф этсак бўлмас адоғи,
Халқимнинг қувончи, ўчмас чароғи,
Ҳакамлик ижросин дунё тан олди,
Мухлислар олқишлар, битмас ардоғи.

Халқимнинг ниятин ижро этди у,
Юз йиллар орзусин адо этди у,
Бахт қуши бошига қўнмоғи аниқ,
Юртбошим дуосин бажо этди у.

Адолат, салобат унда мужассам,
Маҳорат, жасорат унда жамулжам,
Ҳакамни олқишлар футбол майдони,
Ўзбек ўғли Равшан Энг олий ҳакам.

Ҳамиджон Тоҳиржонов.