Озил турк клубини сотиб олиши мумкин
02 янв 2022 19:33
Янгиликлар

Озил турк клубини сотиб олиши мумкин

"Фенербахче" футболчиси Месут Озил турк клуби хўжайини бўлиши мумкин.

Манбанинг хабарига кўра, ярим ҳимоячи Туркиянинг учинчи дивизионида тўп сураётган "Корум" клубини сотиб олиши мумкин.

Клубнинг амалдаги хўжайини Фатих Озджан бир неча кун олдин исми сир тутилган машҳур футболчи "Корум"ни сотиб олиши мумкинлигини тасдиқлаганди.

Қайд этилишича, Фатих Озджан клуб учун 20 миллион турк лираси (тахминан 1,32 миллион евро) олишни режалаштирган.

Эслатиб ўтамиз, Месут Озил Мексиканинг "Некакса" клуби акцияларига эгалик қилади.

Ярим ҳимоячи "Фенербахче"да деярли бир йилдан бери тўп сурмоқда. Бу вақт ичида немис футболчиси 31 та ўйин ўтказиб, 8 та гол урди ва 3 та голли узатмани амалга оширди.

Ҳавола :

Манба : Bild

Янгиликларни Телеграмда ўқинг!

Рейтинг: +6