Ўзил Арвеладзе қўл остидаги клубга ўтиши мумкин

Немис плеймейкери турк клуби раҳбарияти билан келиша олмагач, яқин орада "Фенербахче"ни тарк этиши кутилмоқда. "Фенербахче" Ўзил билан шартномани бекор қилиш тараддудини бошлади ва ярим ҳимоячи қисқа вақт ичида клубни тарк этади.

Аввалроқ Ўзил МЛСнинг "Интер Майами" клуби билан алоқага чиққан эди. Ҳозирда германиялик футболчи туркиялик тадбиркорга тегишли бўлган "Халл"га ўтиши мумкинлиги хабар қилинмоқда.

Шунингдек, Ўзил Туркия чемпионати ўйинларидан бирида танаффус вақтида "Фенербахче" устози Исмоил Карталнинг қароридан нафратланишини кўрсатиш учун бутсасини жаҳл билан ирғитгани ҳақида ҳам маълумотлар пайдо бўлди.