UZ

Сўнгги янгиликлар

19:50Вермален футболчилик фаолиятини якунлаганини маълум қилди  1 19:23XXI асрда бош билан 50 дан ортиқ гол урган футболчилар рейтинги  11 19:06"Барселона" ва "Челси" Лига 1 тўпурари билан шартнома имзоламоқчи  0 18:56Олий Лига. "Навбаҳор" "Бунёдкор"ни мағлуб этди, "Локомотив" ва "Пахтакор ўзаро дуранг ўйнади  1 18:47Диего Коста "Коринтианс"га ўтишга яқин  1 18:24"Бёрнли" "Зенит"га Азмун учун 10 млн фунт таклиф қилмоқда  4 18:0135 ёшли Льорис "Тоттенхэм" билан шартномани 2024 йилга қадар узайтирди  0 18:00"Нефтчи" Туркиядаги йиғинни бошлади. Жамоа 4та ўртоқлик учрашуви ўтказади  16 17:52Саҳоб Рашидов - «Динамо» футболчиси  26 17:38Трансферларига энг кўп пул сарфланган футболчилар (топ-10)  13 17:20Олий Лига. АГМК "Динамо"ни йирик ҳисобда таслим этди  3 17:16МЮ Холанд учун пойгадан чиқди, "Реал" — курашда фаворит  34 17:06ЎФА Ҳамдамовнинг Қатар клубига ўтаётганини эълон қилди  19 16:53"Ювентус" Влахович учун "Фиорентина"га 35 млн евро ва Кулусевскини таклиф қилмоқда  4 16:52Икром Алибоев: “Янги жамоамнинг ғалабаларига ўз ҳиссамни қўшмоқчиман"  1

Ўзбекистонлик футболчи қизлар турк клубига ўтишди Янгиликлар

Ўзбекистонлик футболчи қизлар турк клубига ўтишди

АГМК-W сардори, Ўзбекистон аёллар терма жамоаси футболчиси Камила Зарипованинг Туркия чемпионатига йўл олгани тўғрисида хабар топдик.

Дарҳол 23 ёшли футболчи билан боғланиб, бу борада батафсил маълумот олишга ҳаракат қилдик.

- Камила, дўстларингиз бизга Туркияга жўнаб кетганингиз ҳақида маълумот беришди. Ҳозир қаерда ва қайси жамоа таркибидасиз?

- Ҳозир Туркиянинг Трабзон шаҳридаман. "Трабзон Идманўчоғи" жамоасига келиб қўшилдим.  

- Мазкур клубга ўтишингиз қандай содир бўлди? Шу ҳақда айтиб беринг.

- АГМКдаги мураббийларим Ханжариев Илҳом ва Гамадеев Руслан Олимович икки йилдан бери четда ўйнашим кераклигини, ўзимни легионер сифатида синаб кўришимни айтиб келишарди. Вариантлар бор эди. Туркияга  келишим эса жуда тез вақтда ҳал бўлди. Бунда мураббийим Илҳом Каримовичнинг ҳиссаси катта. Ўзбекистонлик яна 2 нафар қиз боришини айтишди, шунинг учун рози бўлдим. Бир ўзим бунчалик узоққа келишдан қўрқардим. 

- Сиз билан бирга қайси юртдошларимиз Туркияга йўл олди?

- Мен билан бирга "Металлург" жамоасининг аъзоси Сетора Такабаева ва "Севинч" клубида тўп сурган Шаҳризода Зайниддинова келган.

- Жамоа келаси йил Туркия чемпионатининг юқори дивизионида иштирок этади. У ердаги рақобатдан қўрқмаяпсизми?

- Бу жамоанинг мураббийлари ўйинимни ўрганиб чиқишган. Уларга маъқул келганим учун жамоага таклиф қилишди. Менда қўрқув бўлмади, ўзимга ишониб келдим. 

- Туркиядаги муҳит қандай экан?

- Туркиянинг об-ҳавоси яхши. Майдонлари ҳам талаб даражасида. Кунига 2 маҳал машгулот ўтказяпмиз. Шароитлари кўнгилдагидек. Келганимга 4 кун бўлди, Ўзбекистон билан фарқли томонларига кўп тўхталолмайман.

- Яқинларингиз бошка давлатга кетишизга қандай қарашди? Қаршиликлар бўлмадими? 

- Албатта, хурсанд бўлишди, лекин зўрға рухсат олдим. Хавотирланиб, жуда кўп суриштиришди, мураббийларимиз билан маслаҳатлашишди. Ниҳоят, дугоналарим ҳам борлигини эшитиб, рози бўлишди. Биласиз, футболга кириб келганимдан бери фақат АГМКда ўйнаганман. Ҳар доим уйда бўлганман, узоқ вақтга бегона ерларга кетмаганман. Ҳозир шу туфайли мослашиш озгина қийин бўляпти. 

- Трабзон сиз учун янги шаҳар. Атрофдагилар мулоқот қилиш қийин бўлмайдими? Турк тилини биласизми?

- Турк тилини билмайман. Фақатгина баъзи сўзларни ўзбекчага ўхшаганлиги учун тушунаман. Янги жамоадошларим турк сўзларини таржимон орқали тушунтиришяпти. Тез орада турк тилини ўрганиш учун дарс оламиз. 

- Маош масаласига келсак, Трабзонда Олмалиқдагига нисбатан анча яхши тўлашса керак. Ёки кам ойлик эвазига кетяпсизми?

- Ўзбекистонда футболчи қизларга кам маош тўланади. Кўпчилик қизлар турмушга чиққандан кейин футбол ўйнашни тугатади. Шунинг учун турмушга чиқишдан олдин четда ўйнаб кўрмоқчи эдим. Орзумга етдим. Ҳозир бериладиган маошдан кўнглим тўлди. Балки, бошқа жамоалар берадиган пулдан камдир, лекин худога шукур ўзимга етади. 

- Қайси рақамда майдонга тушмоқчисиз?

- Ҳали танламадик, лекин 29 ёки 26 рақамини танлашни ўйлаб турибман.

"8+3". Ўзбекистон МТЖни бошқарган энг кучли мураббий — Боб Хоугтон (17-сон)

Малика Кушбакова суҳбатлашди

Рейтинг: +10   

Фикрлар

+2   
06 дек 20:03:34
Мехриддин Абдурахмонов
Оллох УЗИ панихида сакласин. Омад.
+2   
06 дек 19:03:08
Nasaf_Chelsi
Omad
+2   
06 дек 18:48:24
Соли
Омадингни берсин
+1   
06 дек 22:19:39
Uzbekistonimmmm
Allohga omonat singillarimizga omad
+1   
06 дек 21:34:29
DOSTON. UZB.
Шу кизди уйинини бир марта курганман, жуда яхши футболистка омадини берсин,
+1   
06 дек 21:13:59
Bu shunchaki o'yin
Узбекистон билан фарқли томонларига кўп тўхталолмайман.
___________________
Хмммммм... тушунарли. Киз бола буб туриб бекор кетибсилар, кам бусаям Ватанда уйнаган макулмиди
+1   
06 дек 19:06:27
Shunchaki_FUTBOL
Molodes omad
   
07 дек 01:01:50
Барса 1984
Вой мени асалимда
   
06 дек 19:03:08
Nasaf_Chelsi
Omad
   
06 дек 19:03:08
Nasaf_Chelsi
Omad
   
06 дек 18:52:30
mahmudovz2505@mail.ru
Туркияга йигитлар легионер бўлиб кетишолмагандан кейин қизлар мана бўлмасам деб кетишибдида, майли Аллохим қизларни, умуман хамма мусофирларни панохида асрасин.
-1   
06 дек 21:35:30
FC CHELSEA NAVBAXOR
Инсон изланиши керак у мумкин емас бу мумкин емас у гунох бу гунох дейишдан фойда юк, .
Аёл булсангиз хам хеч ёмон жойи юк уз юлингизди узингиз танлайсиз айрим чала муллаларга етибор килманг.
-1   
06 дек 20:46:06
Азамат0968
Европа. Европа чемпионлар лигасида ўйна эҳтимоли юқори. Бизнинг гранд лигпда келаси мавсумдан Womens league ўйинлари қўйилса ажабланмайман. Олға ўзбегимнинг мард ўғ... йўғей ҚИЗЛАРИ. Дунёда Ўзбекистон деган юрт борлигини,унда футбол ҳам ўйналишини кўрсатиб ,тушунтириб қўйинглар.
-1   
06 дек 18:55:31
Arsenal_tresor
Хамма кани нечи пул оларкин деб окигандир мандай)
championat.asia
< сўнгги янгиликларни кўриш
Яндекс.Метрика