Ўзбекистонлик ФИФА инструктори U-17 Жаҳон чемпионатида ҳакамлар ишига баҳо беради
15 авг 2017 10:39
Янгиликлар

Ўзбекистонлик ФИФА инструктори U-17 Жаҳон чемпионатида ҳакамлар ишига баҳо беради

Ўзбекистонлик ФИФА ва ОФК инструктори, ФИФА Ҳакамлар қўмитаси аъзоси ва ҳакамлар назоратчиси Фарҳод Абдуллаев Ҳиндистонда бўлиб ўтадиган ўсмирлар ўртасидаги (U-17) Жаҳон чемпионатида ишлаш учун Халқаро футбол федерацияси томонидан таклиф олди.

Фарҳод Абдуллаев мазкур мусобақада ҳакамлар назоратчиси бўлиб ишлайди. Ўзбекистонлик мутахассис билан бир қаторда ФИФА Ҳакамлар қўмитаси раиси, яқин ўтмишнинг энг машҳур ҳакамлардан бири Пьерлуижи Коллина ҳамда АҚШ, Парагвай, Руанда, Чехия ва Соломон ороллари каби мамлакат вакиллари U-17 Жаҳон чемпионатида ҳакамлар ишига баҳо беради.

Маълумот учун, ўсмирлар ўртасидаги (U-17) Жаҳон чемпионати шу йилнинг 6–28 октябрь кунлари Ҳиндистоннинг 6 шаҳри – Калькутта, Деҳли, Коччи, Нави-Мумбай, Гувахати ва Маргао шаҳарларида бўлиб ўтади. Турнирда 6 конфедерациядан жами 24 жамоа бош соврин учун кураш олиб боради.

Ҳавола :

Манба : the-uff.com

Янгиликларни Телеграмда ўқинг!

Рейтинг: