Ўзбекистон ва Иордания ўйин олди расмий машғулотларни ўтказди

Қосимов шогирдлари икки гуруҳга бўлинган ҳолда бир соат давомида машғулот олиб борди. Бугунги расмий машғулотларда асосан ёшлар таркиби иштирок этди. Уларда Фарҳод Тожиев, Воҳид Шодиев, Фозил Мусаев ва Ислом Тўхтахўжаев ҳам қўшилди. Ўзбекистон терма жамоаси бугунги машғулотларни асосан стандартлар билан ишлашга қаратди. Қизил ва кўк либосга бўлинган ҳолда олиб борилган машғулотлардан қисман бўлсада эртанги таркиб маълум бўлди.

Эртага тахминий бошланғич таркиб қуйидагича бўлади:

Элдор Суюнов - Eгор Кримeц, Ислом Тўхтахўжаев, Даврон Хошимов - Владимир Козак, Сардор Рашидов, Жамшид Искандеров, Азамат Исроилов, Фозил Мусаев - Фарҳод Тожиев, Игор Сергеев

Айтганча эртага ҳар икки жамоа олтитадан ўйинчини захирадан тушишга келишиб олинди.

19:00 дан бошлаб эса Иордания терма жамоаси машғулотларни бошлади. Ушбу жамоа аъзолари эса асосан тўп билан ишлаш машқларини бажарди. Бир соат давомида индивидуал ҳаракатлар устида ишлади.

Терма жамоалар маркази расмий шахсларини маълум қилишича эртанги учрашувга айни вақтгача бор йўғи 40 дона чипта сотилган. Учрашувга бўлган қизиқиш жуда пастлиги ҳақида касса ҳодимлари айтиб ўтмоқда.