Ўзбекистон U-23 терма жамоаси Лобановский хотира турнирида иштирок этади

Narzulla Saydullayev

7 май 2021, 20:12

26-29 май кунлари Украинанинг пойтахти Киев шаҳрида марҳум мураббий Валерий Лобановский хотира турнири ўтказилади.

Мусобақада Украина, Озарбайжон, Тунис ва Ўзбекистон ёшлар терма жамоалари иштирок этади.

Мусобақа 26 май куни ярим финал баҳслари билан бошланади.

Қуръага кўра Ўзбекистон ярим финални 26 май куни "Оболонь-Арена" стадионида Тунисга қарши ўтказади. Шу куни Банников номидаги майдонда Украина - Озарбайжон учрашуви бўлиб ўтади.

3-ўрин учун баҳс ва финал 28 май кунига белгиланган.