O'zbekiston U-19 o'rtoqlik o'yinida Qatar yoshlarini mag'lub etdi

Narzulla Saydullayev

18 sen 2015, 10:56

O'zbekiston U-19 yoshlar terma jamoasi Qatar yoshlar terma jamoasiga qarshi ilk o'rtoqlik uchrashuvini o'tkazdi va 2:0 hisobida g'alaba qozondi.

Jasur Abduraimov bosh murabbiyligidagi O'zbekiston U-19 yoshlar terma jamoasi Doxada Qatar yoshlar terma jamoasiga qarshi ikkita o'rtoqlik uchrashuvi haqida maydonga tushishi haqida avvalroq xabar bergan edik. Kecha Doxa shahrida ikkala terma jamoa o'zaro ilk o'rtoqlik uchrashuvida maydonga tushishdi va mazkur o'yin Jasur Abduraimov shogirdlarining 2:0 hisobidagi g'alabasi bilan yakunlandi. O'yinning birinchi bo'limida Behzod G'anijonov hisobni ochgan bo'lsa, uchrashuvning so'nggi daqiqalarida Jasur Yaxshiboev Qatar darvozasiga ikkinchi golni kiritdi.

Qatar hamda O'zbekiston U-19 yoshlar terma jamoalari o'rtasidagi ikkinchi o'rtoqlik uchrashuvi 19 sentyabr kuni bo'lib o'tadi.

Eslatib o'tamiz, O'zbekiston U-19 terma jamoasi 2-8 oktyabr kunlari Bangladesh mezbonlik qiladigan U-19 yoshlar o'rtasidagi Osiyo Chempionati saralash turnirida ishtirok etadi.

O'rtoqlik uchrashuvi.

17 sentyabr. Doxa, Qatar.

Qatar U-19 – O'zbekiston U-19 – 0:2

Gollar: Behzod G'anijonov (23), Jasur Yaxshiboev (90+5).

O'zbekiston U-19: Umid Hamroev, Tursun Rahimberdiev, Husniddin G'ofurov, Islom Qobilov, Hushnud Avilov, Aziz G'aniev, Suhrob Nurullaev, Sharof Muhiddinov, Doston Ibragimov, Sanjar Qodirqulov, Behzod G'anijonov.

Zaxira: Shoxruh Raimov, Jahongir Ahmadov, Farruh Yo'ldoshev, Nurillo To'xtasinov, Lazer Adamov, Dian Talxatov, Bobur Abduholiqov, Jasur Yaxshiboev.

O'zbekiston U-19 yoshlar terma jamoasining Qatarga jo'nab ketgan tarkibi:

#	Ism-familiyasi	Tug'ilgan sanasi	Ampluasi	Klubi
1	Shoxruh Raimov	1997	Darvozabon	“Paxtakor”
2	Umid Hamroev	1997	Darvozabon	“Paxtakor”
3	Husniddin G'ofurov	1997	Himoyachi	“Sho'rtan”
4	Lazer Adamov	1997	Himoyachi	“Lokomotiv”
5	Tursun Rahimberdiev	1997	Himoyachi	“Bunyodkor”
6	Farruh Yo'ldoshev	1997	Himoyachi	“Paxtakor”
7	Hushnud Avilov	1998	Himoyachi	“Paxtakor”
8	Islom Qobilov	1997	Himoyachi	“Bunyodkor”
9	Nurillo To'xtasinov	1997	Yarim himoyachi	“Bunyodkor”
10	Jamshid Yusupov	1997	Yarim himoyachi	“Paxtakor”
11	Jasur Yaxshiboev	1997	Yarim himoyachi	“Paxtakor”
12	Suhrob Nurullaev	1998	Yarim himoyachi	“Paxtakor”
13	Behzod G'anijonov	1998	Yarim himoyachi	“Paxtakor”
14	Sanjar Qodirqulov	1997	Yarim himoyachi	“Bunyodkor”
15	Doston Ibragimov	1997	Yarim himoyachi	“Paxtakor”
16	Sharof Muhiddinov	1997	Yarim himoyachi	“Nasaf”
17	Aziz G'aniev	1998	Yarim himoyachi	“Nasaf”
18	Hojiakbar Alijonov	1997	Yarim himoyachi	ROZK
19	Jahongir Ahmadov	1998	Yarim himoyachi	“Paxtakor”
20	Dian Talxatov	1997	Hujumchi	“Paxtakor”
21	S. Davlatjonov	1997	Hujumchi	“Paxtakor”
22	Bobur Abduholiqov	1997	Hujumchi	“Nasaf”
23	Mirjahon Mirahmadov	1997	Hujumchi	“Bunyodkor”