UZ

Сўнгги янгиликлар

12:53Ван Боммелнинг ўғли "АЗ Алкмар"га ўтди  0 12:18"Атлетико" Чаглар Суюнжу билан 4 йиллик шартнома имзолади  1 11:50Ўзбекистон кубоги. 7 та гол урилган "Андижон-SGS" – "Ғиждувон" учрашувидан галерея   0 11:38"Бавария", "Барса" ва "Реал" қизиқиш билдирган Ольмо "Лейпциг" билан шартномасини узайтирди   0 11:16Войцех Шенсни "Ювентус" билан шартномаси автоматик равишда узайтирилди  0 10:43"Барселона" нима қилиб бўлса ҳам ёзда Ансу Фатидан қутулмоқчи  10 09:52"Челси", МЮ ва ПСЖ "Спортинг" футболчиси учун курашмоқда  1 09:35Бензема: "Роналдога ўхшашга ҳаракат қиламан"  4 09:16"Интер Майами" Мессига 4 йиллик шартнома таклиф қилди  1 09:05U20 жаҳон чемпионати. Эквадор - Жанубий Корея 2:3  4 09:00U20 жаҳон чемпионати. Гамбиа - Уругвай 0:1  0 08:50Жарима ва дисквалификациялар: ЎФА тартиб-интизом қўмитасининг қарорлари эълон қилинди  3 08:32Ўзбекистон Кубоги. Бугун навбатдаги тўртта учрашув ўтказилади  7 08:14Olamsport: Осипова жаҳон вице-чемпиони бўлди, Маҳмуд жанг қиладиган UFC турнири карди ва бошқа хабарлар  0 07:57Роналду "Ал Насср"да қолишини маълум қилди  0

⚡️Ўзбекистон U-17 мундиални қабул қиладими? U-20 Жаҳон чемпионати энди қаерда бўлади? Янгиликлар

⚡️Ўзбекистон U-17 мундиални қабул қиладими? U-20 Жаҳон чемпионати энди қаерда бўлади?

Охирги кунларда Индонезияда ўтиши керак бўлган U-20 Жаҳон чемпионати атрофида жуда кўп янгиликлар чиқди.

Ўтган йил мундиалга йўлланма олган Исроил U-20 терма жамоасининг Жаҳон чемпионатида иштирок этишини индонезияликлар хоҳлашмади ва намоийшлар ўтказишди. Эътиборлиси Исроил терма жамоасининг Индонезияда ўтадиган Жаҳон чемпионатига чиққани 2022 йилнинг 1 июль санасида аниқ бўлиб улгурган эди. Яъни деярли бир йил аввал барча буни биларди. Аммо негадир мундиалга 2 ой қолганида намойишлар бошланди.




Кеча ФИФАнинг сабри тугади ва Жанни Инфантино Индонезия давлати раҳбари билан суҳбатдан кейин Жаҳон чемпионати бошқа мамлакатда ўтиши борасида қарор қабул қилинди. Эътиборлиси Индонезия аслида 2021 йилги U-20 Жаҳон чемпионатига мезбонлик қилиши керак эди, аммо пандемия туфайли ушбу мусобақа бекор қилинганди. Яъни Индонезия айтиш мумкин бўлса иккинчи бор бу мусобақадан маҳрум бўлди.




Бугун Индонезия U-20 терма жамоаси аъзолари бу хабарни эшитишганидан кейин кўз ёш тўкаётгани акс этган видео тарқалди. Бу видеони кўриб тўғрисини уларга одам ачинди, бундай имконият инсон ҳаётида бир марта бўлади: Жаҳон чемпионатида бўлиб ҳам ўз мамлакатида, ўз ватандошлари қаршисида иштирок этиш. Сайтимиз ўқувчилари орасида "Ўзбекистон ҳам U-20 Жаҳон чемпионатига бойкот қилсин" деган фикрлар борлигини кўрдик. Бироқ улар спорт сиёсатдан ҳоли бўлиши кераклигини ўйлашмаяпти. Бутун бошли бир авлод неча йиллар давомида меҳнат қилиб, мана шу жойгача қанчалик машаққат билан етиб келганини фақат футболчилар, уларнинг ота-оналари ва мураббийлар билишади холос. Биргина гап билан бу авлодни Жаҳон чемпионатига бормасин дейиш жуда ҳам ноўрин менимча.

Кўпчилик савол бермоқда: ЖЧ қаерда бўлади? ФИФАнинг ҳам боши қотгани аниқ ва ҳозирча форс-мажор ҳолатда мезбон қидирмоқда. ФИФА мундиал саналарини ўзгатирмоқчи эмас: 20 майдан - 11 июнгача. Вақт жуда кам қолмоқда. Эртага, 31 май куни Индонезияда ЖЧга қуръа ташлаш маросими бўлиб ўтиши керак эди. Тушунарлики эртага қуръа бўлмайди.

Мезбонликка даъвогар бўлиши мумкин давлатлар орасида Аргентина номи кўп ёзилмоқда. Аргентина мундиалга чиқа олмаган ва агар мезбонликни олса ўз-ўзидан U-20 терма жамоаси учун ҳам ажойиб сюрприз бўлади. Бироқ айни пайтда Жанубий Америкада катта молиявий инқироз давом этмоқда, шу боис Аргентина ҳукумати учун бу ортиқча бош оғриқ бўлиши ҳам мумкин.

Охирги йилларда исталган мусобақани, исталган даражада ўтказиб келаётган Қатар варианти ҳам бор. Аммо яқиндагина катталар ўртасидаги Жаҳон чемпионатини ўтказган, кейинги йил январь ойида Осиё кубогини қабул қиладиган Қатарга ҳам бу мундиал ўзи керакмикин? Бунинг устига Қатар ҳам араб давлати ва Исроил терма жамоаси билан яна қандайдир янги муаммолар пайдо бўлишига ҳеч ким кафолат бермайди.

Австралия ҳам бу мундиални қабул қилишга тайёр эди, аммо 20 июлдан Австралия ҳамда Янги Зеландияда ФИФА аёллар ўртасидаги Жаҳон чемпионати баҳслари старт олади. Шундай экан "Яшил қитъа"га ҳурмат сақлаган ҳолда Австралия кетма-кет бундай катта даражадаги мусобақаларни қабул қила олмаса керак деб ўйлаймиз.

Назарий жиҳатдан яқиндагина U-20 Осиё кубогини қабул қилган Ўзбекистон ҳам бу Жаҳон чемпионатига даъвогар бўлиши мумкин эди. Охирги йилларда яхши стадионлар пайдо бўлди, меҳмонхоналар тизимида ҳам ўзгаришлар кузатилмоқда. Тошкентдан деярли барча катта шаҳарга самолётда 1 соатга бормай етиб олса бўлади. Бироқ Ўзбекистондаги энг катта муаммолардан бири бу машғулот майдонларининг кескин етишмаслигида. Осиё кубогидаги ҳолатни барчамиз кўрдик ва бундай ҳолатда ФИФА ҳозир бизга бу мусобақани бермайди, ҳатто чорасиз қолган ҳолатда ҳам.

Юқорида Индонезия U-20 терма жамоаси мундиалдан четда қолгани учун қаттиқ тушкунликка тушиб қолгани ҳақида ёздик. Бордию ФИФА мундиалга йўлланма олган давлатга мезбонликни берса назарий жиҳатдан Индонезия ҳам Жаҳон чемпионатида иштирок этиши мумкин. Чунки бундай ҳолда иштирокчилар сони 24 эмас 23та бўлиб қолади. Хуллас ФИФА бу борада жиддий бош қотириши керак бўлади.

Сарлавҳада U-17 Жаҳон чемпионатини ўқиб хайрон бўлгандирсиз. Ҳа, бу техник хато эмас. Шу йилнинг 10 ноябрь - 2 декабрь кунлари оралиғида ФИФА U-17 мундиални ўтказади. Мезбон ҳам аниқ - Перу. Бироқ юқорида таъкидлаганимиздек, Жанубий Америкадаги молиявий инқироз туфайли Перу ҳам мундиални ўз хоҳиши билан "топширмоқчи". Бундай ҳолатда ФИФА олдида яна бир бошоғриқ пайдо бўлади. Узун-қулоқ хабарларга кўра, агар ростдан ҳам Перу мундиал мезбонлигидан воз кечса, Ўзбекистон уни қабул қилишга тайёр экан. Бу борада рақобатчилар ҳам бўлиши аниқ. Бунинг учун албатта нафақат сифатли машғулот майдонлари, балки яна кўплаб нарсалар керак бўлади. Ўзбекистон ҳукумати футбол спорт турига бераётган эътиборидан келиб чиқсак, агар ФИФА ростдан ҳам U-17 Жаҳон чемпионати мезбонлигини топширса уни муносиб ўтказишга тайёр ҳолга кела оламиз.

Муаллиф : Narzulla Saydullayev
Рейтинг: +28   

Фикрлар

+2   
30 мар 14:44:18
Хурмат қилсанг хурмат кўрасан!!!
Сиёсат спортга аралашганига анча бўлди!!! ФИФАни сабр косаси тўлди эмиш,пффф
+2   
30 мар 13:01:35
FAQAT OLG'A
Indoneziya Isroilc chiqqanini bir yil oldin bilhan lekin o‘shanda aytganda olib qo‘yishi aniq edi lekin mundialga oz qolganda aytsa boshqa mezbon topolmasdan o‘ziga qoldiradi deb o‘ylagan
+2   
30 мар 12:47:20
Gernot
Indoneziyaga ham hayron qomadim, sarlavhada etilganidek Evropada Isroil chiqqani aniq edi, faqat Osiyo jamoalari qogandi. O'sha paytda qarshilikla tug'dirsa bo'lardiku. Siyosatdan tashqari boshqa omil ham bordir, xudo biladi buyog'ini...
+1   
30 мар 19:41:46
Мирзаев А.
Бизга ЖЧ финалини ўтказиш молиявий томондан зарар бўлади бизга керак эмас, ундан кўра шу пулларни нафақага берсак шу маъқул, Индонезия тутган йўл сиёсий масала эмас бу иймон масаласи, бизни ёш футболчилар яҳудий ва гейлар билан футбол ўйнашни ўзлари ҳам ҳоҳламаса керак, ФИФА одил бўлса ана иккала финални РОССИЯга берсин, Россия доим тайёр, бермайди чунки ҳозирда диндан кўра сиёсат устун бўлиб қолди, ФИФА учун.
+1   
30 мар 18:59:01
Мирзохон
Gernot фойдаланувчининг фикрига жавоб бериш
UZB Osiyo o'yinlarini qabul qilishi mumkin JCH ga erta, ustimizdan kulib ketishgani qoladi xolos. mashg'ulotlar bazasi, chim, yoritqichlar hamma-hamma jihatlarga e'tbibor berish kere. Superliga o'yinlari ham to'xtab qoladi.
Битта нарсани унутяпсиз, агарда сизни вилоятга эртага ташриф экан деб хабар берилса эрталабгача ҳамма жой зўр бўлиб қоладию)) худди шундай ҳоҳлашса фақат футбол бўйича ҳамма жойни зўр қилиб кўрсата олишади))
+1   
30 мар 16:26:32
Tinchliksevar
Gernot фойдаланувчининг фикрига жавоб бериш
UZB Osiyo o'yinlarini qabul qilishi mumkin JCH ga erta, ustimizdan kulib ketishgani qoladi xolos. mashg'ulotlar bazasi, chim, yoritqichlar hamma-hamma jihatlarga e'tbibor berish kere. Superliga o'yinlari ham to'xtab qoladi.
Ha ebdi agar adashib topshirib qo‘ysa harajat qiladida barcha kamchiliklarni to‘ldirishga harakat qiladi hukumat ham dunyoga sharmanda bo‘lishni hohkamaydiku
+1   
30 мар 15:01:49
Osiyo1
O'zbekiston jahon chempionatini o'tqazishga munosib joy emas.Chunki osiyo chempionatida ko'rdik kamchiliklarni.Reklama media ishlamaydi.Hatto translatsiya ko'rganimiz yo'q ko'p o'yinlarda.Stadion maysalari yaxshi holatda emas.Mashg'ulot maydonlari agorot bulib yotibdi.Ayniqsa kulguli joyi darvoza to'ri yirtiq ekan.Xullas sharmanda bo'maylik
+1   
30 мар 14:43:13
RIZO21
Aslida sportga siyosatni FIFA aralashtirib yubordi nima bo‘lsa ham O‘zbekiston JCHda eng kami yarim finalgacha borishi shart.
+1   
30 мар 13:08:16
FREND UZBEKISTAN
O'zbekiston jahon chempionatini o'tkazolmaydi deyotganlar adashmang hamma musobaqa o'tkazgan davlatlaram zo'r o'tkazayotgani yo'q kamchiliklar serob. Bemallol o'tkazaoladi faqat UFA dagilardan ko'proq harakat kerak
+1   
30 мар 13:01:59
rashidhon
Спорт ва сиёсат аралашиб бу́лдику Россия мисол бунга.
+1   
30 мар 12:46:49
Miliarder
Bitta bunyodkor stadionidaya
   
30 мар 17:16:29
Аваз Худойқулов
Ўзбекистон га муаммо жамоаларга машғулот ўтиш учун стадионлар етишмайди дейилди, лекин кетидан охирида бемалол ўзбекистон чемпионатни ўтказа олади дейиляпти????
   
30 мар 13:05:31
FREND UZBEKISTAN
FAQAT OLG'A фойдаланувчининг фикрига жавоб бериш
Indoneziya Isroilc chiqqanini bir yil oldin bilhan lekin o‘shanda aytganda olib qo‘yishi aniq edi lekin mundialga oz qolganda aytsa boshqa mezbon topolmasdan o‘ziga qoldiradi deb o‘ylagan
Balki oldidindan kelishmivchilik bo'lgandir bu borada bilamysizku endi habar topayabsiz. Nima ularni bir yil oldin boshlanmagan chempionatga namoish boshlashi to'g'ri bo'larmidi.
   
30 мар 13:02:43
FREND UZBEKISTAN
Muallifni noxoluslikda ayblash mumkin chunki ko'p narsalarga xulosa berib tashlabdi o'rtalikda fikr bildirsa yaxshi bo'lardi xamma unday fikrlamaydiku. Keyin jurnalist va bazi oldinroq etiroz bildirsa bo'lmasmidi deganlar uchun balki oldindan kelishmovchilk bo'lgabdir bu borada fifa bilan kelishib ketamiz degan fikr bo'lgandir fifada. Keyin nima indaneziya bir yil oldin hayot muammolarini chetga zurib u 20 chempionatiga namoishlarni boshlashi kerakmidi. Aslida jurnalis va boshqalaram xolis xamma narsani chetga surib fikr bildirsa FIFA noxolislik qilayabdi. Nega g'arb sportga siyosatni aralashtirsa mayliyu musulmon davlatga mumkinmas.
   
30 мар 12:57:34
Jamil Umar
Indaneziyani hohishi qachon qaysi paytda namoyish uyushtirishi
championat.asia
< сўнгги янгиликларни кўриш
Яндекс.Метрика