Ўзбекистон ўсмирлар терма жамоаси Қатар билан иккита ўртоқлик учрашуви ўтказади
25 авг 2015 13:19
Янгиликлар

Ўзбекистон ўсмирлар терма жамоаси Қатар билан иккита ўртоқлик учрашуви ўтказади

Темур Олимхўжаев бошчилигидаги Ўзбекистон ўсмирлар терма жамоаси Қатар U-16 билан иккита ўртоқлик учрашуви ўтказадиган бўлди.

Ўзбекистон U-16 терама жамоаси 28 – 31 август кунлари Тошкентда қисқа муддатли йиғин ўтказиб, шундан сўнг Қатарга йўл олади. 31 августдан 5 сентябрга қадар ўқув-йиғин жараёни Қатарда давом эттирилади. Ушбу йиғин доирасида Олимхўжаев шогирдлари Қатар U-16га қарши иккита ўртоқлик учрашуви ўтказади. Дастлабки ўйин 2 сентябрда бўлиб ўтса, иккинчи учрашув 4 сентябрга белгиланган.

Эслатиб ўтамиз, Ўзбекистон ўсмирлар терма жамоаси 2016 йили Ҳиндистонда бўлиб ўтадиган Осиё чемпионати саралаш босқичида иштирок этади. Осиё чемпионати саралашининг “А” гуруҳидан ўрин олган Ўзбекистон ўсмирлари Фаластинда ўтказиладиган учрашувларда Яман, Фаластин ва Мальдив жамоаларига қарши майдонга тушади. Саралаш ўйинлари 16 – 20 сентябр кунлари бўлиб ўтади.

Қуйида Ўзбекистон ўсмирлар терма жамоасининг Қатарга қарши ўйинларда иштирок этиш учун чақирилган таркибини келтириб ўтамиз.

Дарвозабонлар

№	Исм-шарифи	Туғилган санаси	Клуби
1	Никита Дубинин	26.06.2000	“Пахтакор”
2	Хожиакабар Жўраев	16.03.2000	“Пахтакор”
3	Абдувоҳид Неъматов	20.03.2001	“Насаф”

Ҳимоячилар

№	Исм-шарифи	Туғилган санаси	Клуби
4	Ихтиёр Холдоров	06.03.2000	“Бунёдкор”
5	Мардон Абдуллаев	30.10.2000	“Бунёдкор”
6	Ислом Каримов	30.10.2000	“Бунёдкор”
7	Муҳаммадали Намозов	26.10.2000	“Пахтакор”
8	Абубакр Мўйдинов	07.07.2000	“Бунёдкор”
9	Иброҳим Турғунбоев	15.04.2000	“Пахтакор”
10	Шохзамон Хайруллаев	15.04.2000	“Пахтакор”

Ярим ҳимоячилар

№	Исм-шарифи	Туғилган санаси	Клуби
11	Расул Йўлдошев	26.10.2000	“Бунёдкор”
12	Асадбек Собиржонов	03.08.2000	“Пахтакор”
13	Остон Ўрунов	19.12.2000	“Пахтакор”
14	Бахромжон Соатов	08.01.2000	“Пахтакор”
15	Далер Мирзахўжаев	07.06.2000	“Пахтакор”
16	Хумоюн Абдусатторов	24.12.2000	“Бунёдкор”
17	Бурхон Хасанов	15.01.2000	РОЗК

Ҳужумчилар

№	Исм-шарифи	Туғилган санаси	Клуби
18	Абдунозир Абдураҳмонов	14.09.2000	“Бунёдкор”
19	Абдулхай Исмоилов	08.02.2000	“Бунёдкор”
20	Шухрат Нематов	03.06.2000	“Бунёдкор”
21	Нодирбек Тўланов	06.02.2000	“Нефтчи”
22	Бекзодбек Ғаниев	13.03.2000	АОЗК
23	Муҳаммадқодир Парпиев	19.11.2000	“Пахтакор”