Ўзбекистон ўсмирлар терма жамоаси "Чиғатой"да йиғин ўтказмоқда

Бу ҳақида ЎФА расмий сайти хабар берди.

Жамоа бош мураббийи Азамат Абдураимов йиғин давомида 50 нафарга яқин футболчиларни кўздан кечиришни мақсад қилган.

Йиғиннинг дастлабки кунларида терма жамоада ҳали ўйин ўтказмаган, аввалги йиғинларда иштирок этмаган футболчилар қатнашишди. Улар 6 декабрь "Спартак" (Тошкент)нинг 2004 йилда таваллуд топган футболчиларига қарши назорат ўйини ўтказиб, 1:1 ҳисобида дуранг қайд этишди.

Йиғиннинг иккинчи қисмида Ўзбекистон ўсмирлар терма жамоасининг асосий таркиб футболчилар қатнашади. Улар йиғин давомида иккита назорат учрашувида майдонга тушиши режалаштирилган.

Йиғин 10 декабрга қадар давом этади.